कुडाळमध्ये गणेश घाटांसह इतर स्वच्छतेची कामे हाती
83218
कुडाळमध्ये गणेश घाटांसह
इतर स्वच्छतेची कामे हाती
नगराध्यक्षांसह इतरांकडून पाहणी
सकाळ वृत्तसेवा
कुडाळ, ता. ९ ः गणेशोत्सवाच्या पार्श्वभूमीवर कुडाळ शहरातील गणेश घाट तसेच महत्त्वाचे मार्ग सुस्थितीत करण्याचे काम नगरपंचायतीने हाती घेतले आहे. या कामांची पाहणी नगराध्यक्ष प्राजक्ता बांदेकर यांच्यासह नगरसेवकांनी केली.
नगरपंचायतीने ही कामे गणेश घाटापासून सुरू केली आहेत. यामध्ये गणेश घाटाकडे जाणारे सर्व रस्ते दुरुस्ती, रस्त्यांवर आलेली झाडी छाटणे, गणेश घाट स्वच्छता ही कामे हाती घेण्यात आली आहेत. तसेच शहरातील मुख्य रस्ते, वाडीवस्तीवरील जाणारे रस्ते सुस्थितीत करण्याची कामे सुरू केली आहेत. गणेश चतुर्थीपूर्वी सर्व कामे पूर्ण करण्याच्या सूचना नगराध्यक्ष बांदेकर यांनी दिल्या. दरम्यान, ज्या गणेश घाटांची कामे सुरू झाली आहेत. त्या ठिकाणी नगराध्यक्षांसह गटनेता विलास कुडाळकर, नगरसेवक राजीव कुडाळकर, नगरसेविका नयना मांजरेकर, चांदणी कांबळी यांनी पाहणी केली. यामध्ये सांगिर्डेवाडी येथील गणेश घाट, लक्ष्मीवाडी येथील महापुरुष मंदिराजवळील गणेश घाटाचा समावेश होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.