श्रीवत्सल प्रतिष्ठानतर्फे पाच शेतकर्‍यांना शेळीवाटप

-rat९p३.jpg-
P२५N८३२२६
देवरूख ः श्रीवत्सलतर्फे शेतकऱ्यांना शेळीवाटप करण्यात आले.
-----
श्रीवत्सल प्रतिष्ठानतर्फे शेळीवाटप
सकाळ वृत्तसेवा
साडवली, ता. ९ ः देवरूख येथील स्वातंत्र्यसैनिक बाळूदादा पानवळकर यांच्या स्मृतिदिनी त्यांचे नातू प्रणव पानवळकर यांनी आपल्या शेळीपालन युनिटमधील शेळींचे पाच शेतकऱ्‍यांना वाटप केले. शेतकरी स्वतःच्या पायावर उभा राहावा म्हणून एक उपजीविकेचे साधन म्हणून प्रत्येक शेतकऱ्‍याला दोन शेळ्या देण्यात आल्या. हातीव येथील हे शेतकरी आहेत. या शेतकऱ्यांनी या शेळींचे योग्य पद्धतीने पालन करून आपली उपजीविका करावी व नंतर होणाऱ्या पिल्लांमधून एक शेळी परत द्यावी, असे शेतकऱ्‍यांना सांगण्यात आले.
या वेळी प्रा. डॉ. सुरेश जोशी, विनय पानवळकर, आत्माराम मेस्त्री, अशोकराव जाधव, विजय झगडे, युयुत्सू आर्ते उपस्थित होते. डॉ. सुरेश जोशी यांनी स्वातंत्र्यसैनिक पानवळकर यांच्या आठवणी सांगितल्या. पानवळकर नेहमी खादीचा आग्रह धरायचे तसेच त्यांनी शेवटपर्यंत आपली तत्त्वे पाळली, असे सांगितले. गोधन हे धार्मिकदृष्ट्या दिले जाणारे दान आहे तर शेळी हे उपजीविकेचे साधन आहे, असेही जोशी म्हणाले.