कर्तृत्वाचा ठसा उमटवून नावलौकिक करावा

-Rat९p८.jpg-
P२५N८३२३१
नालासोपारा : गुणगौरव सोहळ्यात गुणवंत विद्यार्थ्यांचा गौरव करताना निवृत्त पोलिस अधिकारी रमेश घडवले, भाई पोस्टुरे, मनोज घागरूम.
-----
कर्तृत्वाचा ठसा उमटवून नावलौकिक करा
रमेश घडवले ः कुणबी समाजातील गुणवत्तांचा गौरव
सकाळ वृत्तसेवा
मंडणगड, ता. ९ ः विद्यार्थ्यांनी माहिती आणि अभ्यासपूर्ण क्षेत्र निवड करून त्यामध्ये यश संपादित करावे. त्या क्षेत्रात आपल्या कर्तृत्वाचा ठसा उमटवावा. त्यातून आई-वडील व कुटुंबासह तालुक्याची मान सदैव उंचावत राहील असे कार्य करावे, असे प्रतिपादन निवृत्त साहाय्यक पोलिस कमिशनर रमेश घडवले यांनी केले.
मंडणगड तालुका कुणबी सेवासंघातर्फे कुणबी समाजातील दहावी, बारावी, पदवी व विविध क्षेत्रात उल्लेखनीय यश मिळवलेल्या गुणवंत विद्यार्थ्यांचा गुणगौरव नालासोपारा येथे झाला. सत्कार सोहळ्यात गुणवंत विद्यार्थ्यांसह, डॉक्टर, वकील, बुद्धिबळपटू, सीए, उच्च विद्याविभूषित स्कॉलर विद्यार्थी व खेळाडूंचा गौरव करण्यात आला. जे. जे. रुग्णालय येथे प्रयोगशाळा परिचर म्हणून सेवानिवृत्त झालेले रघुनाथ पोस्टुरे यांचा सेवासंघाच्यावतीने विशेष गौरव करण्यात आला. कार्यक्रमाच्या निमित्ताने विविध क्षेत्रात उत्तम कामगिरी केलेल्या २५० गुणवंतांचा प्रशस्तिपत्र व भेटवस्तू देऊन गौरव करण्यात आला.