-हर्णै बाजारपेठेत नारळी पौर्णिमेचा जल्लोष

-rat९p१४.jpg -
२५N८३२४१
दापोली ः नारळ फोडण्याच्या खेळामध्ये एकमेकांच्या नारळावर नारळ आपटताना राज्यमंत्री योगेश कदम व व्यापारी अभिजित पतंगे.
-----
हर्णै बाजारपेठेत नारळी पौर्णिमेचा जल्लोष
सकाळ वृत्तसेवा
दापोली, ता. ९ ः नारळी पौर्णिमेनिमित्त हर्णै बाजारपेठेत दरवर्षीप्रमाणे यंदाही पारंपरिक नारळ लढवण्याचा आगळावेगळा खेळ उत्साहात पार पडला. या खास उपक्रमात गृहराज्यमंत्री योगेश कदम सहभागी झाले होते.
स्थानिक व्यापारी अभिजित पतंगे यांच्या सोबत योगेश कदम यांनी नारळ लढवत या खेळातील रोमांच अनुभवला. दापोली पोलिस निरीक्षक महेश तोरस्कर यांनीही या खेळाचा आनंद घेतला. या वेळी माजी समाजकल्याण सभापती भगवान घाडगे, विधानसभा क्षेत्रप्रमुख किशोर देसाई उपस्थित होते. नारळी पौर्णिमेच्या निमित्ताने पारंपरिक खेळ, समुद्रकिनारी साजरा झालेला आनंदोत्सव आणि शुभेच्छांच्या गजरात संपूर्ण हर्णै बाजारपेठ उत्साहाने उजळून निघाली.