तळेरे विद्यालयात व्यसनमुक्तीचे धडे

83255

तळेरे विद्यालयात व्यसनमुक्तीचे धडे
तळेरे, ता. ९ : व्यसन म्हणजे शरीर, मन आणि आयुष्य यांचा नाश करणारा मार्ग आहे. म्हणून सर्वांनी व्यसनाची होळी करून सकारात्मक परिवर्तन घडवूया, असा संदेश रोटरी क्लब कणकवलीचे प्रमोद लिमये यांनी दिला.
वामनराव महाडिक माध्यमिक विद्यालयात कणकवली रोटरी क्लबतर्फे आयोजित व्यसनमुक्ती मार्गदर्शन कार्यक्रमात ते बोलत होते. हा कार्यक्रम डॉ. एम. डी. देसाई सांस्कृतिक भवनात झाला. यावेळी कणकवली रोटरी क्लबचे महेंद्र मुरकर, लऊ पिळणकर, कासार्डे प्राथमिक आरोग्य केंद्राचे अधीक्षक संजय सावंत, प्रा. अविनाश मांजरेकर आदी उपस्थित होते. प्रा. मांजरेकर यांनी व्यसनामुळे आर्थिक हानीसह चोऱ्या आणि गुन्हेगारीकडे वळण्याची शक्यता वाढते. त्यामुळे आतापासूनच जागे व्हा, भविष्यात प्रत्येकाने व्यसनांपासून दूर राहून व्यसनमुक्त जीवन जगण्याचा संकल्प करा, असे आवाहन केले. सहायक शिक्षक सचिन शेटये यांनी सूत्रसंचालन केले. संजय सावंत यांनी आभार मानले.