गावखडी शाळेतील विद्यार्थ्यांनी बनविल्या राख्या

- rat१०p१३.jpg-
२५N८३३७८
रत्नागिरी ः तालुक्यातील गावखडी शाळा क्र. १ मधील विद्यार्थी व शिक्षिका.

गावखडी शाळेत बनविल्या राख्या
शिक्षकांचा पुढाकार ; विक्रीतून मिळाले दीड हजार
सकाळ वृत्तसेवा
पावस, ता. १० ः जिल्हा परिषद प्राथमिक शाळा गावखडी नं.१ मधील ४ थी च्या विद्यार्थ्यांनी स्वतः राख्या तयार केल्या. हा उपक्रम वर्गशिक्षिका श्रुतिका आजगावकर यांच्या मार्गदर्शनाखाली करण्यात आला. यामध्ये विद्यार्थ्यांनी रंगीत दोरे, मणी, मोती आदी साहित्याचा वापर केला.
शाळेमध्ये तयार केलेल्या राख्या परिसरात विद्यार्थ्यांनी स्वतः घरोघरी जाऊन विक्री केली. राखी विक्रीतून मुलांनी जवळपास शाळेसाठी दीड हजार रुपये जमा केले. या उपक्रमातून मुलांमध्ये सृजनशीलता, आत्मविश्वास, संवाद कौशल्य, उद्योगशीलता यांचा विकास झाला. राखी विक्रीतून आलेल्या रक्कमेचा वापर शाळेच्या विकास कामांसाठी करण्यात येणार आहे. या उपक्रमाच्या यशस्वितेसाठी शाळेच्या मुख्याध्यापिका मनाली साळवी यांचे सहकार्य मिळाले. मुलांच्या या अनोख्या उपक्रमाचे गावखडी गावचे सरपंच गौतम पाटील, पूर्णगड केंद्राचे केंद्र प्रमुख श्री. राणे, शाळा व्यवस्थापन समिती अध्यक्ष दत्तात्रय शिवगण आणि सर्व पालक व ग्रामस्थ यांनी कौतुक केले.