विविध उपक्रमांनी आदिवासी दिन साजरा

-rat१०p४१.jpg-
P२५N८३५०२
तिडे : आदिवासीवाडी शाळेत विद्यार्थ्यांचा सत्कार करताना मान्यवर.
----
आदिवासी दिन विविध उपक्रमांनी साजरा
तिडे-आदिवासीवाडी शाळा; विद्यार्थ्यांचा सत्कार
सकाळ वृत्तसेवा
मंडणगड, ता. १० ः तालुक्यातील तिडे-आदिवासीवाडी शाळेत ९ ऑगस्ट हा जागतिक आदिवासी दिन व ऑगस्ट क्रांती दिन मोठ्या उत्साहात साजरा करण्यात आला. जननायक बिरसा मुंडा यांच्या प्रतिमेला पुष्पहार व दीपप्रज्वलन करून कार्यक्रमाची सुरुवात करण्यात आली. वाडीतील दहावी, बारावी व बीए उत्तीर्ण झालेल्या विद्यार्थ्यांना शाळेच्या वतीने भेटवस्तू देऊन सत्कार करण्यात आला. यानंतर सत्यशोधक समाज संघाचे जिल्हाध्यक्ष प्रदीप कांबळे यांनी आदिवासी जागतिक दिन, क्रांती दिन, बिरसा मुंडा यांचे जीवनकार्य, आदिवासी समाजाचे जीवन, संस्कृती, संविधानिक हक्क व अधिकार तसेच शिक्षणाचे महत्त्व यावर मार्गदर्शन केले. शाळेतील बाल कलाकार यांनी आदिवासी संस्कृतीचे दर्शन घडविणारे नृत्यांचे सादरीकरण केले. यावेळी मुख्याध्यापक श्री. लोखंडे, नागेश हिलम, शंकर पवार, पोलिसपाटील रवींद्र पवार आदी उपस्थित होते.