विद्यामंदिर हायस्कूलची कणकवलीत तिरंगा रॅली

विद्यामंदिर हायस्कूलची
कणकवलीत तिरंगा रॅली

सकाळ वृत्तसेवा
कणकवली, ता.११ ः शासनाच्या ‘हर घर तिरंगा’ उपक्रमांतर्गत शहरातील विद्यामंदिर हायस्कूलच्या विद्यार्थ्यांनी शहर बाजारपेठेतून तिरंगा रॅली काढली. कणकवली नगरपंचायत आणि विद्यामंदिर हायस्कूलच्या संयुक्त विद्यमाने हा कार्यक्रम झाला. दरम्‍यान, स्वातंत्र्यदिनाच्या औचित्‍यावर नगरपंचायतीमध्ये सेल्‍फी पॉईंटदेखील तयार केला आहे.
स्वातंत्र्य दिनाच्या पार्श्वभूमीवर घराघरात तिरंगा ध्वजाचे उत्साहात स्वागत करावे. स्वातंत्र्याचा आनंद सर्वत्र पोहोचावा. सर्व नागरिकांमध्ये स्वातंत्र्य दिनाचे चैतन्य दरवळत राहावे. यासाठी विद्यामंदिर माध्यमिक प्रशालेच्या विद्यार्थांनी हर घर तिरंगा रॅली कणकवली शहरातून काढली. यावेळी विद्यार्थ्यांनी भारतीय स्वातंत्र्याच्या आणि विकसित भारताचे गौरव करणाऱ्या घोषणा दिल्‍या. रॅलीचे उद्‍घाटन मुख्याध्यापक पिराजी कांबळे, पर्यवेक्षक अच्युतराव वणवे यांनी केले, तर ‘हर घर तिरंगा’ रॅलीमध्ये नगरपंचायतीचे अधिकारी अमोघ आगम आणि नगरपंचायतीचे सर्व कर्मचारी सहभागी होते. रॅलीचे नेतृत्व प्रशालेचे विज्ञान शिक्षक पृथ्वीराज बर्डे, नेताजी जाधव, विद्या शिरसाट, शर्मिला केळूसकर यांनी केले.