''मळगाव ग्राम विकास''तर्फे चाकरमान्यांसाठी बस सेवा

‘मळगाव ग्राम विकास’तर्फे
चाकरमान्यांसाठी बस सेवा
सावंतवाडीः मळगाव ग्राम विकास मंडळ मुंबई यांच्या माध्यमातून गणेशोत्सवानिमित्त मळगाव गावातील चाकरमान्यांसाठी मोफत बससेवेची सोय करण्यात आली आहे. या सेवेचा जास्तीत जास्त चाकरमान्यांनी लाभ घ्यावा, असे आवाहन मळगाव ग्राम विकास मंडळाचे सचिव पांडुरंग राऊळ आणि अध्यक्ष लाडोबा गावकर यांनी केले आहे. गणेशोत्सव हा कोकणातील सर्वात मोठा सण आहे. या सणासाठी मुंबईतील चाकरमानी आपापल्या गावात दाखल होतात. मळगाव गावात येणाऱ्या चाकरमान्यांच्या सोयीसाठी ग्रामविकास मंडळ मुंबई यांनी मोफत बस सेवेची सोय उपलब्ध करून दिली आहे. ही बस २५ ऑगस्टला दादर रेल्वे स्थानक येथून सुटणार असून, यासाठी नोंदणी सुरू आहे. नोंदणी करण्याची अंतिम तारीख १५ ऑगस्ट आहे. चाकरमान्यांनी पांडुरंग राऊळ, लाडोबा गावकर, रवी मळगावकर यांच्याशी संपर्क साधून नावनोंदणी करावी, असे आवाहन करण्यात आले आहे.