कथाकथन स्पर्धेच्या अंतिम फेरीसाठी १२ जणांची निवड

कथाकथन स्पर्धेच्या अंतिम
फेरीसाठी १२ जणांची निवड
सकाळ वृत्तसेवा
तळेरे, ता. ११ : येथील विजयालक्ष्मी विश्वनाथ दळवी महाविद्यालयाने यावर्षीही सतीश कथामाला अर्थात हुतात्म्यांच्या जीवनावर आधारित कथाकथन स्पर्धेचे आयोजन केले होते. त्याच्या दुसऱ्या फेरीअखेर एकूण चार गटांतून १२ स्पर्धक अंतिम फेरीत दाखल झाले आहेत. या स्पर्धेची अंतिम फेरी शुक्रवारी (ता. १५) सकाळी ९ वाजता येथील विजयालक्ष्मी विश्वनाथ दळवी आदर्श महाविद्यालयात होणार आहे. यावेळी विद्यार्थ्यांनी उपस्थित रहावे, असे आवाहन केले आहे.
रत्नागिरी आणि सिंधुदुर्ग जिल्ह्यातील ज्युनियर कॅडेट मुले, ज्युनियर कॅडेट मुली, सीनियर कॅडेट मुले, सीनियर कॅडेट मुली अशा चार गटांत स्पर्धा घेण्यात आली. यामध्ये ६० स्पर्धकांनी सहभाग घेतला.
अंतिम फेरीत दाखल झालेले स्पर्धक असे : सीनियर कॅडेट (मुली)-वैभवी परब (देवगड कॉलेज), आर्या चव्हाण (दळवी कॉलेज, तळेरे), गायत्री सांगोलकर (कुडाळ कॉलेज). सीनियर कॅडेट (मुले)-शार्दूल गुरव (दळवी कॉलेज, तळेरे), चैतन्य पावसकर (फोंडाघाट कॉलेज), ओम धुरी (कणकवली कॉलेज). ज्युनियर कॅडेट (मुली)-दुर्वा चिके (खारेपाटण हायस्कूल), शर्वरी काळे (राजापूर हायस्कूल), समीक्षा ढेकणे (महाडिक विद्यालय, तळेरे). ज्युनियर कॅडेट (मुले)-चिन्मय कोटणीस (कळसुलकर हायस्कूल सावंतवाडी), सोहम कांबळे (कासार्डे विद्यालय), देवराज कारवडेकर (सिंधुदुर्ग सैनिक स्कूल, आंबोली).