कणकवलीत उद्या रानभाजी महोत्सव

कणकवलीत उद्या
रानभाजी महोत्सव
सिंधुदुर्गनगरी ः कणकवली कॉलेज, कणकवली येथे जिल्हा अधीक्षक कृषी अधिकारी, प्रकल्प संचालक आत्मा, कणकवली तालुका कृषी अधिकारी, स्नेह, सिंधु कृषी पदवीधर संघ सिंधुदुर्ग, उमेद सिंधुदुर्गतर्फे जिल्हास्तरीय रानभाजी विक्री, प्रदर्शन व पाककृती स्पर्धा यांचा मेळ घालणारा रानभाजी महोत्सव बुधवारी (ता. १३) सकाळी १० ते सांयकाळी ४ या वेळेत काळाच्या ओघात पारंपरिक रानभाज्या आता दुर्मीळ होत चालल्या आहेत. नव्या पिढीला तर या आयुर्वेदिक रानभाज्या आता अनोळखी होत चालल्या आहेत. म्हणूनच या दुर्मीळ, आरोग्यदायी रानभाज्यांची युवा पिढीबरोबरच जिल्हावासीयांना ओळख व्हावी तसेच रानभाज्यांना नवी बाजारपेठ उपलब्ध मिळावी, या उद्देशाने रानभाजी महोत्सव आयोजित केला आहे. कणकवली तालुक्यास जिल्ह्यातील आरोग्य व रानभाजीप्रेमी ग्राहकांनी शेतकरी, युवक मंडळ, महिला बचतगट, शेतकरी उत्पादक कंपनीच्या सर्व सभासदांनी या रानभाजी महोत्सवाला भेट द्यावी, असे आवाहन सिंधुदुर्ग प्रकल्प संचालक आत्मा व कणकवली तालुका कृषी अधिकाऱ्यांनी केले आहे.