गुणवंतांचा गौरव

-rat११p२१.jpg-
P२५N८३७०९
पावस ः गोळप येथे जनसेवा सामाजिक मंडळाने गौरव केलेले विद्यार्थी.
----------
जनसेवातर्फे गुणवंतांचा गौरव
सकाळ वृत्तसेवा
पावस, ता. १२ ः मोबाईलचा उपयोग माहितीचा खजिना म्हणून करा. चुकीचा उपयोग केला तर हाच मोबाईल आपल्या जीवनाची वाट लावू शकतो. त्यामुळे वेळेचे महत्त्व लक्षात घेऊन वेळेचा सदुपयोग केला तर यशस्वी होता येते, असे जीजीपीएसच्या गुरूकुलचे शिक्षक नितीन लिमये यांनी सांगितले.
गोळप येथे जनसेवा सामाजिक मंडळातर्फे आयोजित गुणगौरव समारंभात ते बोलत होते. गोळपच्या सरपंच प्रियांका सुर्वे यांनी मुलांचे अभिनंदन केले. मंडळातर्फे मान्यवरांचा सत्कार करण्यात आला. गोळप ग्रामपंचायत क्षेत्रातील गुणवंत विद्यार्थ्यांचा गुणगौरव करण्यात आला. सिंधुरत्न, स्कॉलरशिप, एनएमएमएस, दहावी, बारावी तसेच विशेष गुणवंत अशा एकूण ५१ विद्यार्थ्यांचा प्रशस्तिपत्र आणि भेटवस्तू देऊन गौरव करण्यात आला. भरतनाट्यममध्ये गोवा, मुंबई येथे प्रथम क्रमांक मिळवणारी तीर्था वैद्य, डॉक्टर झालेली अंकिता बापट यांचा सन्मान करण्यात आला. या वेळी जनसेवा सामाजिक मंडळाचे अध्यक्ष अविनाश काळे, सचिव समित घुडे, महेश पालकर, प्रकाश संते, केशव पालकर, श्रीराम गोगटे, उषा काळे आदी उपस्थित होते.