आचरा स्कूलमध्ये वह्यांचे वाटप

83925

आचरा स्कूलमध्ये वह्यांचे वाटप
आचरा, ता. १२ ः ग्रामीण भागातील मुलांना शैक्षणिक सुविधा उपलब्ध व्हाव्यात, या दृष्टीने न्यू इंग्लिश स्कूल आचराचे संस्थाचालक व दानशूर व्यक्तींकडून शैक्षणिक साहित्य उपलब्ध करून मुलांच्या गरजा पूर्ततेसाठी प्रयत्न करत असतात. सखाराम दाजी गावकर यांच्या स्मृतिप्रीत्यर्थ माजी शालेय समिती अध्यक्षा नीलिमा सावंत यांच्या प्रयत्नातून मिळालेल्या वह्यांचे वाटप शाळा समिती अध्यक्ष जे. एम. फर्नांडिस यांच्या उपस्थितीत करण्यात आले. शाळा समिती सदस्य अर्जुन बापर्डेकर, जयप्रकाश परुळेकर, अभय भोसले, मुख्याध्यापक अंकुशराव घुटूकडे, उपमुख्याध्यापक मधुरा माणगावकर, भावना मुणगेकर, सौ. गोसावी आदी मान्यवर उपस्थित होते. यावेळी अकरावीमध्ये प्रवेश घेतलेल्या विद्यार्थ्यांचे उत्साहात स्वागत करण्यात आले.
......................
83920

बुद्धिबळ स्पर्धेत ‘स्टेपिंग स्टोन’चे यश
सावंतवाडी, ता. १२ ः बांदा येथे झालेल्या १४, १७, १९ वर्षांखालील जिल्हास्तरीय आंतरशालेय बुद्धिबळ स्पर्धेत स्टेपिंग स्टोन ग्लोबल स्कूलच्या विद्यार्थ्यांनी अव्वल स्थान प्राप्त केले. प्रशालेतील सातवीचा विद्यार्थी सोहम देशमुख याने स्पर्धेत प्रथम क्रमांकाचे स्थान प्राप्त केले, तर पाचवीतील शौर्य चव्हाण याने पाचवा क्रमांक पटकावला. या विद्यार्थ्यांच्या उल्लेखनीय कामगिरीबद्दल शाळेचे संस्थापक रुजुल पाटणकर, मुख्याध्यापिका प्राची साळगावकर यांनी त्यांचे कौतुक केले.