राजापुरात नेत्रावती एक्स्प्रेसला अखेर थांबा मंजूर

-rat१२p१४.jpg-
P२५N८३९०२
राजापूर रोड स्थानक
--------
राजापुरात ‘नेत्रावती’ला थांबा मंजूर
गणेशोत्सवात चाकरमान्यांना दिलासा ; शुक्रवारपासून अंमलबजावणी
सकाळ वृत्तसेवा
राजापूर, ता. १२ ः तालुक्यातील सोल्ये येथील राजापूर रोड स्थानकावर एक्स्प्रेस गाड्यांना थांबा मिळावा म्हणून पंचक्रोशी ग्रामविकास समितीने गेल्या काही वर्षापासून सातत्याने सुरू ठेवलेल्या लढ्याला अखेर यश आले आहे. नेत्रावती एक्स्प्रेसला सोल्ये येथील राजापूर रोड स्थानकावर थांबा मंजूर झाला आहे. ऐन गणेशोत्सव काळात ये-जा करणाऱ्या मुंबईकर चाकरमान्यांसह प्रवाशांना या निर्णयाचा लाभ होणार आहे.
पंचक्रोशी ग्रामविकास समितीच्या निवेदनानुसार सदाभाऊ खोत यांनी मुख्यमंत्री देवेंद्र फडणवीस यांच्या माध्यमातून केंद्रीय मंत्री अश्विनी वैष्णव यांच्याशी राजापूर रोड स्थानकावर एक्स्प्रेस गाड्यांना थांबा मिळावा, अशी मागणी केली होती. खोत यांचे स्वीय साहाय्यक आदिनाथ कपाळे यांनीही विशेष कार्य अधिकारी शिवाजी सुतार, मुख्यमंत्री सचिवालयाचे उपसचिव प्रशांत मयेकर यांच्या माध्यमातून प्रशासकीय स्तरावर सातत्याने पाठपुरावा केला होता. या साऱ्याची दखल घेत केंद्रीय मंत्री वैष्णव यांनी या ठिकाणी नेत्रावती एक्सप्रेसला या ठिकाणी थांबा मंजूर केला आहे.
राजापूर रोड हे स्थानक रत्नागिरी व सिंधुदुर्ग जिल्ह्यांतील पर्यटक, स्थानिक ग्रामस्थ, चाकरमानी, आंबा व काजू व्यापाऱ्यांसाठी अत्यंत सोयीचे ठरते. या ठिकाणी मोजक्या गाड्यांना थांबा आणि प्रवासी आरक्षणाचा कोटाही मर्यादित असल्याने जा-ये करणाऱ्या प्रवाशांची मोठी गैरसोय होते. त्यामुळे या ठिकाणी अन्य गाड्यांप्रमाणे जनशताब्दी एक्स्प्रेस आणि नेत्रावती एक्स्प्रेस या गाड्यांना थांबा मिळावा, अशी मागणी सातत्याने करण्यात येत होती. १५ ऑगस्टपासून त्याची अंमलबजावणी सुरू होणार आहे.

कोट
कोकण रेल्वेमुळे मुंबई वा अन्य भागामध्ये जा-ये करणे आर्थिकदृष्ट्या परवडत आहे. त्यामुळे प्रवाशांकडूनही कोकण रेल्वेला पसंती दिली जाते. मात्र, कोकण रेल्वेमार्गावरून धावणाऱ्‍या गाड्यांची संख्या विशेषतः सणासुदीच्या काळात अपुऱ्‍या ठरतात. अशा स्थितीमध्ये पंचक्रोशी ग्रामविकास समितीने केलेल्या प्रयत्नांतून सोल्ये येथे नेत्रावती एक्सप्रेसला थांबा मिळाल्याने त्याचा फायदा प्रवाशांना होणार आहे.
---राजेश शिंदे, रेल्वे प्रवासी