चिन्मय तांडेल यांनी ‘नारळ लढवला’
83941
चिन्मय तांडेल यांनी ‘नारळ लढवला’
कुडाळ येथील स्पर्धा; रणझुंजार मित्रमंडळातर्फे आयोजन
सकाळ वृत्तसेवा
कुडाळ, ता. १२ ः रणझुंजार मित्रमंडळ व उद्योजक रुपेश पावसकर पुरस्कृत भव्य नारळ लढविणे स्पर्धेला उत्स्फूर्त प्रतिसाद मिळाला. स्पर्धेत १५२ स्पर्धक सहभागी झाले. चिन्मय तांडेल यांनी या स्पर्धेचे विजेतेपद पटकावले.
पहिल्याच वर्षी स्पर्धेला स्पर्धकांचा उत्स्फूर्त प्रतिसाद मिळाला. या स्पर्धेत प्रत्येक स्पर्धकाला प्रत्येकी पाच नारळ रणझुंझार मित्रमंडळाकडून देण्यात आले. स्पर्धेचे उद्घाटन रुपेश पावसकर, दाजी गावकर, बाळा घाडी यांच्या प्रमुख उपस्थितीमध्ये व गाऱ्हाणे घालून करण्यात आले. पंच म्हणून पंचक्रोशीतील सुधीर नेरुरकर आणि उमेश परब यांनी काम पाहिले. स्पर्धेचे उत्कृष्ट नियोजन किशोर सावंत, गोट्या पाटकर, नरेंद्र नेरुरकर, प्रवीण नेरुरकर, कल्पेश मार्गी, सुधीर नेरुरकर, अमरदीप कदम, पंडित घाडी, दर्शन साऊळ, पंकज कलिंगण, सतीश सावंत यांनी केले.
या स्पर्धेसाठी ज्येष्ठ समाजसेवक अशोक पावसकर, कल्पेश पावसकर, रुद्रेश पावसकर, बाळा पावसकर, हार्दिक टेंबुलकर आदी उपस्थित होते. विजेते चिन्मय तांडेल यांना रोख ५००१ व चषक रुपेश पावसकर, प्रवीण नेरुरकर, बाळा पावसकर यांच्या हस्ते दिला. द्वितीय क्रमांक रोख ३००१ व चषक रुपेश पावसकर, बाळा घाडी व आनंद नेरुरकर यांच्या हस्ते देण्यात आले. स्पर्धेस हाजीम मुजावर, प्रकाश साऊळ, अमोल श्रृंगारे, नरेंद्र घाडी, अनिकेत मेस्त्री, गिरीश नेरुरकर, ग्रामपंचायत सदस्य शंभुराज नाईक, आनंद नेरुरकर, राजेश तेंडुलकर आदी उपस्थित होते. सुनील करवडकर यांनी सूत्रसंचालन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.