केर ग्रामपंचायतीमार्फत कलम बांधणी कार्यशाळा

swt1219.jpg
84006
केरः येथे शेतकऱ्यांना कलम बांधणीबाबत मार्गदर्शन करण्यात आले.

केर ग्रामपंचायतीमार्फत
कलम बांधणी कार्यशाळा
सकाळ वृत्तसेवा
दोडामार्ग, ता. १३ : गावठी आंब्याची अवीट गोडी कायम राहणार, असे प्रतिपादन कृषी अभ्यासक चंद्रशेखर सावंत यांनी केर-भेकुर्ली येथे केले. केर ग्रामपंचायतीने ‘माझी वसुंधरा अभियान ६.०’ अंतर्गत जुन्या व काळाच्या ओघात नष्ट होत चाललेल्या जुन्या गावठी पारंपरिक आंब्याचे वाण टिकविणे हा नावीन्यपूर्ण उपक्रम राबविला.
ग्रामपंचायतीमार्फत आज विशेषतज्ज्ञ व्यक्तींमार्फत कलम बांधणी कार्यशाळा घेण्यात आली. ग्रामपंचायतीच्या या उपक्रमाचे उपस्थितांनी कौतुक केले. नामशेष होत असलेल्या आंब्याच्या जाती टिकून राहाव्यात, यासाठी गावठी आंबे कलम बांधणी कार्यशाळा आयोजित केली होती. या कार्यशाळेला आज चव्हाटा मंदिर केर येथे कृषी अभ्यासक चंद्रशेखर सावंत, रोपवाटिका अभ्यासक सुनील देसाई, कलमतज्ज्ञ महेंद्र मोरजकर, कृषी अधिकारी श्री. खडपकर यांनी भेट दिली. सुरुवातीला शेतकऱ्यांना मार्गदर्शन केले. कलम बांधणी वाढ, संगोपन याबाबत सविस्तर माहिती दिली. मोरजकर यांनी कलम बांधणीचे प्रात्यक्षिक दाखवून शेतकऱ्यांकडून बांधूनही घेतली. यावेळी सरपंच रुक्मिणी मुकुंद नाईक, उपसरपंच तेजस देसाई, ग्रामसेवक संदीप पाटील उपस्थित होते.