भटवाडीतील शाळेत वह्या वाटप

84252
भटवाडीतील शाळेत वह्या वाटप
सावंतवाडी ः युवा नेते संदीप गावडे यांच्या माध्यमातून शालेय विद्यार्थ्यांसाठी मोफत वह्या वाटप उपक्रम येथील (कै.) लक्ष्मीबाई मुरारी माधव विद्यालय, शाळा क्र. ६, भटवाडी येथे राबविण्यात आला. भाजप प्रदेशाध्यक्ष रवींद्र चव्हाण यांच्या मार्गदर्शनाखाली या उपक्रमाची सुरुवात केली असून, त्याची व्याप्ती आता वाढली आहे. विद्यार्थ्यांना शैक्षणिकदृष्ट्या सक्षम करणे, हा उद्देश समोर ठेवून मोफत वह्या वाटप उपक्रम राबवित आल्याचे गावडे यांनी सांगितले. यावेळी माजी नगरसेविका दीपाली भालेकर, दिलीप भालेकर, गेळे सरपंच सागर ढोकरे, अनिकेत आसोलकर, ॲड. चैतन्य सावंत आदी मान्यवर उपस्थित होते.
......................
84251

अमली पदार्थांविरोधात आचऱ्यात जागृती
आचरा, ता. १३ ः अमली पदार्थविरोधी अभियानअंतर्गत पोलिस ठाणे आचरा व पिरावाडी हायस्कूलमार्फत अमली पदार्थ विरोधी जनजागृती फेरी काढण्यात आली. यावेळी पिरावाडी हायस्कूलचे मुख्याध्यापक बुगडे, प्राथमिक शाळा मुख्याध्यापक सुभाष नाटेकर, पोलिस स्वाती आचरेकर, पोलिसपाटील जगन्नाथ जोशी, तन्वी जोशी, अमोल पेडणेकर, ग्रामपंचायत सदस्य पूर्वा तारी, मुजफ्फर मुजावर, निवृत्त पोलिस अधिकारी नरेंद्र कोळबकर आदी सहभागी झाले.