ग्रामीण भागातील पारंपरिक अन्नसंपदा जपा

rat१४p८.jpg-
२५N८४४११
मंडणगड : येथील पंचायत समितीमध्ये आयोजित पाककृती स्पर्धेतील स्पर्धकांशी चर्चा करताना मुख्य कार्यकारी अधिकारी वैदेही रानडे आणि मान्यवर.

पारंपरिक अन्नसंपदा जपा
वैदेही रानडे ः मंडणगड येथे रानभाज्या महोत्सव
सकाळ वृत्तसेवा
मंडणगड, ता.१४ ः ग्रामीण भागातील पारंपरिक अन्नसंपदा जपण्याचे व आरोग्यदायी आहाराचा प्रसार करण्याचे महत्त्व अधोरेखित करताना रानभाजी महोत्सव व पाककला स्पर्धा हा उपक्रम स्थानिक उत्पादनांना प्रोत्साहन देणारा ठरेल, असे जिल्हा परिषदेच्या मुख्य कार्यकारी अधिकारी वैदेही रानडे यांनी सांगितले.
हर घर तिरंगा मोहिमेंतर्गत मंडणगड पंचायत समितीत आयोजित रानभाज्या महोत्सव व पाककला स्पर्धेच्या उद्‍घाटनप्रसंगी ते बोलत होते. या महोत्सवात रानभाज्यांचे पोषणमूल्य, आरोग्यदायी फायदे तसेच रानभाज्यांपासून बनणाऱ्या पारंपरिक पाककृतींचे प्रदर्शन यावर विशेष भर देण्यात आला. विविध महिला बचतगट, अंगणवाडी सेविका, मदतनीस व ग्रामस्थांनी उत्स्फूर्त सहभाग नोंदवून रानभाज्यांचे प्रकार, त्यांपासून तयार पाककृती पद्धतींचे प्रदर्शन सादर केले. या प्रसंगी कार्यकारी अभियंता चिपळूण हर्षल चव्हाण, गटविकास अधिकारी सुनील खरात, तालुका वैद्यकीय आरोग्य अधिकारी डॉ. अभिषेक गावंडे, गटशिक्षणाधिकारी कल्याणी मुळे, शाखा अभियंता देवकीनंदन सकपाळे, पूजा शिंदे, रूपाली मुळे आदी मान्यवर उपस्थित होते. या निमित्त आयोजित पाककला स्पर्धेत प्रीती जावडेकर-पालवणी (प्रथम), निर्वी शेडगे-तुळशी (द्वितीय), समीक्षा लोखंडे-कुंबळे (तृतीय) यांनी यश मिळवले.