टोपीवाला हायस्कूल, परुळेकर शाळा प्रथम

84452
टोपीवाला हायस्कूल, परुळेकर शाळा प्रथम

मालवणातील समूहगीत; ‘आस्था ग्रुप’तर्फे आयोजन

मालवण, ता. १७ : स्वातंत्र्य दिनाचे औचित्य साधून येथील आस्था ग्रुप आणि (कै.) अरुण बादेकर चॅरिटेबल ट्रस्टतर्फे जिल्हा परिषद शाळा, रेवतळे येथे आयोजित देशभक्तीपर समूहगीत गायन स्पर्धेत प्राथमिक गटात मोहनराव परुळेकर प्राथमिक शाळा, तर माध्यमिक गटात अनंत शिवाजी देसाई टोपीवाला हायस्कूलने प्रथम क्रमांक पटकावला.
स्पर्धेचे उद्‍घाटन पंचायत समितीचे गटशिक्षणाधिकारी संजय माने यांच्या हस्ते केले. आस्था ग्रुपचे अध्यक्ष उमेश मांजरेकर, अरुण बादेकर चॅरिटेबल ट्रस्टचे अध्यक्ष गणेश बादेकर, मुख्याध्यापक देविदास प्रभुगावकर, राजन बादेकर आदी उपस्थित होते. हरी चव्हाण यांनी सामाजिक, शैक्षणिक क्रीडा उपक्रमांची माहिती दिली.
स्पर्धेचा उर्वरित निकाल असा ः प्राथमिक गट-द्वितीय जय गणेश प्राथमिक शाळा, तृतीय प्राथमिक शाळा, कांदळगाव, उत्तेजनार्थ भंडारी प्राथमिक शाळा. या स्पर्धेची पारितोषिके अनिकेत फाटक यांनी पुरस्कृत केली होती. माध्यमिक गट-द्वितीय वराडकर हायस्कूल कट्टा, तृतीय रेकोबा हायस्कूल, उत्तेजनार्थ भंडारी हायस्कूल. विजेत्यांना रोख रक्कम, प्रमाणपत्र व सन्मानचिन्ह देऊन गौरविले. यावेळी उमेश मांजरेकर, गणेश बादेकर, हरी चव्हाण, भाऊ सामंत, बंटी केनवडेकर, प्रशांत हिंदळेकर, सौगंधराज बादेकर, सहायक शिक्षक महादेव घोडके आदी सहभागी होते. स्पर्धेचे परीक्षण रवीना पांजरी व गायत्री आरोलकर यांनी केले. सहभागी ओझर विद्यामंदिर, आर. पी. बागवे मसुरे हायस्कूल, प्राथमिक शाळा देवबाग, प्राथमिक कन्याशाळा यांना गौरविले. सौगंधराज बादेकर यांनी आभार मानले.