वेतोशीत रानभाजी प्रदर्शनाला प्रतिसाद

-rat16p17.jpg-
25N84728
रत्नागिरी ः वेतोशी येथे भरवलेले रानभाजी प्रदर्शन पाहताना ग्रामस्थ. (छाया ः अनिरूद्ध भागणे)
-------

वेतोशीत रानभाजी प्रदर्शन उत्साहात
सकाळ वृत्तसेवा
पावस, ता. १६ ः रत्नागिरी तालुक्यातील वेतोशी येथे दापोली दापोली कृषी महाविद्यालयाच्या रावे कार्यक्रमांतर्गत विद्यार्थ्यांनी अनोखे रानभाजी प्रदर्शन भरवले.
या प्रदर्शनाचा मुख्य उद्देश स्थानिक रानभाज्यांचे महत्त्व आणि त्यांचे औषधी तसेच पौष्टिक गुणधर्म समजावून सांगणे हा होता. विद्यार्थ्यांनी दिंडा, टाकळा आणि काकवीसारख्या अनेक रानभाज्यांचे नमुने मांडले. प्रत्येक भाजीबद्दल सखोल माहिती देत त्यांनी पारंपरिक खाद्यसंस्कृतीचे महत्त्व पटवून दिले. प्रदर्शनाचे आणखी एक खास आकर्षण म्हणजे शिरगाव येथील कृषी संशोधन केंद्राने विकसित केलेल्या भाताच्या जातींचे सादरीकरण. यात रत्नागिरी १, रत्नागिरी ४, रत्नागिरी ५, रत्नागिरी ६, रत्नागिरी ७, कोकण सुवाससारख्या विविध भातजातींचे नमुने ठेवण्यात आले होते. विद्यार्थ्यांनी या जातींची वैशिष्ट्ये, कमी दिवसांत येणारे पीक आणि रोगप्रतिकार शक्ती या विषयी मार्गदर्शन केले.