रेडी माऊली विद्यालयात स्वातंत्र्य दिन उत्साहात

84779

रेडी माऊली विद्यालयात
स्वातंत्र्य दिन उत्साहात
आरोंदा, ता. १५ ः रेडी येथील श्री माऊली विद्यामंदिर प्रशालेमध्ये भारतीय स्वातंत्र्य दिन उत्साहात साजरा करण्यात आला. प्रशालेचे लिपिक शंकर कर्णेकर यांच्या हस्ते ध्वजवंदन करण्यात आले.
प्रभारी मुख्याध्यापक चंद्रशेखर जाधव यांनी देशभक्ती गीतावर शाळेतील विद्यार्थ्यांची कवायत घेतली. सर्व शिक्षक, शिक्षकेतर कर्मचारी, विद्यार्थी व उपस्थित ग्रामस्थ, पालकांनी ज्येष्ठ नागरिकासंबंधी प्रतिज्ञा घेतली. सुनिता रेडकर यांना कर्णेकर यांच्या हस्ते साक्षरता प्रमाणपत्र देण्यात आले. मुलांनी राष्ट्रगीत, राज्यगीत, ध्वजगीत, देशभक्तीपर गीते सादर केली. सहाय्यक शिक्षक कुणाल बांदेकर, सहाय्यक शिक्षिका ज्योती वासुदेव, सुप्रिया पेडणेकर, पपेच्युअल डिसोजा, गोविंद चिपकर आदी उपस्थित होते. श्री. जाधव यांनी कार्यक्रमाचे सूत्रसंचालन केले.
.................
शिडवणे शाळेत स्वातंत्र्य दिन
तळेरे, ता. १६ : जिल्हा परिषद पूर्ण प्राथमिक शाळा शिडवणे क्र. १ मध्ये स्वातंत्र्यदिन उत्साहात साजरा करण्यात आला. यानिमित्त विविध देशभक्तिपर कार्यक्रम झाले. कार्यक्रमापूर्वी संत ज्ञानेश्वरांची ७५० वी जयंती असल्याने ग्रामपंचायत शिडवणे येथे मान्यवरांच्या हस्ते त्यांच्या प्रतिमेला पुष्पहार अर्पण करून अभिवादन केले. कार्यक्रमाची सुरुवात मान्यवरांच्या हस्ते रोबोटिक्स तंत्रज्ञानाचा वापर करून केलेल्या ध्वजवंदनाने झाली. सहावी आणि सातवीच्या विद्यार्थिनींनी संगीत कवायत सादर केली. संगीत कवायत, रांगोळी प्रदर्शन, वक्तृत्व, मूर्ती आणि रांगोळी स्पर्धांमधील विजेत्यांना पारितोषिक वितरण करण्यात आले. खारेपाटण रोटरी क्लबतर्फे वृक्षारोपण केले. अंगणवाडी, शिडवणे आरोग्य मंदिर आणि ग्रामपंचायत येथे तिरंगा रॅली व संचलन करण्यात आले. अवयव दानाबाबत जनजागृती करण्यात आली. यावेळी माजी सभापती रवींद्र जठार, शिडवणे सरपंच रवींद्र शेट्ये, पोलिस अधिकारी विजय टक्के, तंटामुक्ती अध्यक्ष अनिल पांचाळ, शाळा व्यवस्थापन समिती अध्यक्ष दिनेश रांबाडे, ग्रामपंचायत सदस्य सुप्रिया पांचाळ, मुख्याध्यापक प्रवीण कुबल, डॉ. प्रणव पाटील, आरोग्य सेवक गणेश तेली आदी उपस्थित होते.