निवृत्त उपजिल्हाधिकारी सुरेश कदम यांचे निधन

84781

निवृत्त उपजिल्हाधिकारी
सुरेश कदम यांचे निधन
कणकवली, ता. १६ ः शिरवली (ता. देवगड) येथील निवृत्त उपजिल्‍हाधिकारी सुरेश कदम यांचे अल्पशा आजाराने येथील खासगी रुग्णालयात निधन झाले. अत्यंत प्रतिकूल परिस्थितीत शिक्षण घेत त्यांनी महसूल खात्यात नोकरी करत मंडल अधिकारी, तहसीलदार ते उपजिल्हाधिकारी अशा महत्त्वाच्या पदांवर काम करत त्यांनी आपल्या पारदर्शी प्रशासनाचा ठसा उमटविला. प्रशासकीय सेवेबरोबरच त्यांचे सामाजिक चळवळीतही योगदान होते. भंडारा येथून उपजिल्हाधिकारी या पदावरून ते निवृत्त झाले होते. त्यांच्या मागे पत्नी, दोन मुलगे, भाऊ, बहिणी असा परिवार आहे.