-उपोषण स्थगित

खेड रेल्वे स्थानकातील उपोषण स्थगित
सकाळ वृत्तसेवा
खेड, ता. १६ : येथील रेल्वे स्थानकामध्ये जल फाउंडेशनच्यावतीने स्वातंत्र्यदिनी सुरू झालेले उपोषण रत्नागिरी येथील क्षेत्रीय रेल्वे प्रबंधक शैलेश आंबर्डेकर यांनी केलेल्या विनंतीचा मान राखून स्थगित करण्यात आले. मुंबई-चिपळूण कायमस्वरूपी दैनिक गाडी सुरू करा, खेडसह प्रमुख स्थानकांना वाढीव थांबे द्या, रत्नागिरी-दादर पॅसेंजर पूर्ववत करा, आरक्षण कोटा वाढवा, दिवसांच्या गाड्यांना पुरेसे सीटिंग डबे द्या आणि अवाजवी भाडेवाढ तत्काळ रद्द करा, अशा मुख्य मागण्यांसाठी जल फाउंडेशनने खेड रेल्वेस्थानकात उपोषण करण्यात आले होते. पुढील काही दिवसांत ठोस व लेखी स्वरूपात कार्यवाही न झाल्यास २६ जानेवारी २०२६ ला याच ठिकाणी पुन्हा उपोषणाला सुरुवात करू, असे जल फाउंडेशन कोकण विभागाचे संस्थापक आणि अध्यक्ष नितीन जाधव यांनी सांगितले.