सह्याद्री शिक्षण संस्थेत स्वातंत्र्य दिन

‘सह्याद्री’ संस्थेत स्वातंत्र्यदिन
सावर्डे, ता. १६ : येथील सह्याद्री शिक्षणसंस्थेच्यावतीने ७९वा स्वातंत्र्यदिन सह्याद्री क्रीडा संकुलावर मोठ्या उत्साहात साजरा करण्यात आला. संस्थेचे संचालक मारुतीराव घाग यांच्या हस्ते ध्वजवंदन झाले. राष्ट्रगीत, ध्वजगीत व प्रतिज्ञा पठणानंतर महाराष्ट्र छात्रसेनेच्या विद्यार्थ्यांनी ध्वजाला सलामी दिली. अमृता घाग यांच्या मार्गदर्शनाखाली विद्यार्थ्यांनी देशभक्तिपर गीतांचे सादरीकरण केले. या प्रसंगी संस्थेचे विश्वस्त चंद्रकांत सुर्वे, आकांक्षा पवार, सचिव महेश महाडिक, प्रकाश राजेशिर्के, प्रशांत निकम, माजी पंचायत समिती सभापती पूजा निकम आदी उपस्थित होते. कार्यक्रमाचे नियोजन मुख्याध्यापक राजेंद्र वारे, क्रीडाशिक्षक दादासाहेब पांढरे, अमृत कडगावे, रोहित गमरे व प्रशांत सपकाळ यांनी केले. गोविंदराव निकम माध्यमिक व उच्च माध्यमिक विद्यालयातही स्वातंत्र्यदिन उत्साहात साजरा करण्यात आला.