सर्प ओळख व सर्पज्ञान कार्यक्रम

- rat१७p१७.jpg-
P२५N८४९६६
लांजा ः बागेश्री शाळेतील विद्यार्थ्यांना सर्पांविषयी माहिती देताना सर्पमित्र सचिन जाधव, संदेश जाधव व ओंकार आग्रे.

लांजा शाळेत सर्पज्ञान कार्यक्रम
सकाळ वृत्तसेवा
लांजा, ता. १८ ः वर्ड फॉर नेचर (WFN) या संस्थेच्या लांजा शाखेतर्फे लांजा शहरातील जिल्हा परिषद मराठी शाळा बागेश्री येथे सर्पमित्रांच्या उपस्थितीत सर्प ओळख आणि सर्पज्ञान हा अनोखा उपक्रम राबवण्यात आला.
लांजा येथे झालेल्या कार्यक्रमात सचिन जाधव म्हणाले, साप दिसला की, लाठ्या-काठ्या घेऊन त्याला मारणारा आपला मानवी समाज मोठा आहे. मात्र शेतीरक्षक असणाऱ्या सापांना सुरक्षा देऊन वाचवणाऱ्यांचे प्रमाण अल्प आहे. कोकण प्रदेशात अनेक प्रजातींचे साप आढळतात. त्याविषयांची जाण असणे अत्यंत गरजेचे आहे. सापांच्या ओळखीशिवाय त्यांना हाताळू किंवा पकडण्याचे धाडस करू नये. विषारी व बिनविषारी सापांना ओळखता यायला हवे, असे त्यांनी सांगितले. याप्रसंगी अध्यक्ष संदेश जाधव व ओंकार आग्रे यांनी विषारी व बिन विषारी सापांविषयी माहिती देताना सापांना पकडताना घ्यावयाची काळजी याबाबत मार्गदर्शन केले. हा कार्यक्रम शाखेच्या मुख्याध्यापिका सविता पाटील व उपशिक्षिका नंदिनी पेडणेकर यांच्या प्रमुख उपस्थितीत पार पडला.