कोमसापच्या जिल्हाध्यक्षपदी प्रा. आनंद शेलार

- rat१८p२५.jpg-
२५N८५२५२
रत्नागिरी ः कोमसापचे जिल्हा कार्यकारिणीतील नवीन पदाधिकारी.
---
मराठी साहित्यास आंतरराष्ट्रीय स्तरावर नेणार
प्रा. आनंद शेलार ः ‘कोमसाप’च्या जिल्हाध्यक्षपदी फेरनिवड
सकाळ वृत्तसेवा
रत्नागिरी, ता. १८ ः पुढील तीन वर्षांत ‘कोमसाप’च्या माध्यमातून नवोदित साहित्यिकांना प्रोत्साहन देणे, साहित्यिक संमेलनाचे आयोजन करणे आणि कोकणातील स्थानिक भाषा आणि संस्कृतीचे जतन करणे यावर विशेष लक्ष दिले जाईल याशिवाय, मराठी साहित्याला राष्ट्रीय आणि आंतरराष्ट्रीय स्तरावर नेण्यासाठी प्रयत्न केले जातील, असे अध्यक्ष प्रा. आनंद शेलर यांनी सांगितले.
कोकण मराठी साहित्य परिषदेच्या (कोमसाप) जिल्हा कार्यकारिणी निवडीप्रसंगी ते बोलत होते. शेलार यांची अध्यक्षपदी फेरनिवड करण्यात आली तर सचिवपदी मुश्ताक खान आणि सहसचिवपदी बाळू नागरगोजे यांची निवड झाली आहे. रविवारी झालेल्या बैठकीत नवीन कार्यकारिणी जाहीर झाली. यामध्ये उपाध्यक्षपदी गोविंद राठोड आणि ॲड. वासुदेव तुळसणकर, खजिनदारपदी युयुत्सू आर्ते, केंद्रीय प्रतिनिधी म्हणून बाळासाहेब लबडे यांची नाव निवड करण्यात आली आहे. याशिवाय कार्यकारिणीमध्ये ११ सदस्यांचा समावेश आहे. या सभेला केंद्रीय कार्यवाह माधव अंकलगे, केशवसुत राष्ट्रीय स्मारकाचे अध्यक्ष गजानन पाटील, युवाशक्ती कोकण प्रांतचे अध्यक्ष अरुण मोर्ये, रत्नागिरी तालुकाध्यक्ष चंद्रमोहन देसाई, लांजा तालुकाध्यक्ष रामचंद्र जाधव, मालगुंड शाखाध्यक्ष नलिनी खेर, देवरूख शाखाध्यक्ष दीपक लिंगायत उपस्थित होते.
या बैठकीत गजानन पाटील यांनी कोकण मराठी साहित्य परिषदेच्या स्थापनेचा उद्देश आणि इतिहासावर प्रकाश टाकला. ते म्हणाले, कोकणातील साहित्यिकांना एक हक्काचे व्यासपीठ मिळावे, या उद्देशाने १९९१ ला पद्मश्री मधू मंगेश कर्णिक यांनी कोमसापची स्थापना केली. तेव्हापासून कोमसापने कोकणातील मराठी साहित्याच्या संवर्धनासाठी आणि प्रचारासाठी अथक परिश्रम घेतले आहेत.