चेंदवणच्या माजी सरपंच धुरींसह कार्यकर्त्यांचा भाजपमध्ये प्रवेश

85270

चेंदवणच्या माजी सरपंच धुरींसह
कार्यकर्त्यांचा भाजपमध्ये प्रवेश
सकाळ वृत्तसेवा
कुडाळ, ता. १८ः तालुक्यातील चेंदवण गावच्या माजी सरपंच व ठाकरे शिवसेनेच्या सदस्या उत्तरा धुरी यांनी आपले सहकारी भालचंद्र धुरी, प्रमोद नाईक, धोंडी नाईक, उमेश नाईक, हनुमंत परब, भालचंद्र रेवणकर व प्रवीण भरडकर यांच्यासह भाजपमध्ये प्रवेश केला. मुख्यमंत्री देवेंद्र फडणवीस, प्रदेशाध्यक्ष रवींद्र चव्हाण, खासदार नारायण राणे व पालकमंत्री नितेश राणे यांच्या कार्याने प्रभावित होऊन या सर्वांनी हा प्रवेश केला.
लवकरच चेंदवण गावामध्ये मेळावा घेऊन आपल्या अन्य सहकाऱ्यांचा मोठा पक्षप्रवेशाचा कार्यक्रम देखील आयोजित करण्याचा मनोदय त्यांनी व्यक्त केला. भाजपच्या प्रदेश कार्यकारणी सदस्य संध्या तेरसे यांनी त्यांचे स्वागत केले. खासदार नारायण राणे व पालकमंत्री नितेश राणे यांच्या माध्यमातून चेंदवण गावासाठी भरीव निधी देण्यात येईल, असे भाजपचे जिल्हा सरचिटणीस रणजीत देसाई यांनी सांगितले.
यावेळी मंडल अध्यक्ष संजय वेंगुर्लेकर, सरचिटणीस रुपेश कानडे, जिल्हा कार्यकारणी सदस्य मोहन सावंत, पप्या तवटे, महिला मोर्चा अध्यक्ष आरती पाटील, युवा मोर्चा अध्यक्ष तन्मय वालावलकर, सुनील बांदेकर, सचिन काळप, निलेश तेंडोलकर, विशाखा कुलकर्णी, तेजस्विनी वैद्य, अक्षता कुडाळकर, चेंदवण सरपंच वैभव चेंदवणकर, उपसरपंच ऋषिकेश माधव, नारायण शृंगारे, प्रशांत तेंडोलकर, प्रणाली तेंडोलकर, सूर्यकांत शृंगारे, गोपाळ कोचरेकर उपस्थित होते.