केबिन धोकादायक

साखरप्यातील कंट्रोल केबिन धोकादायक
साखरपा ः साखरपा एसटी स्थानकातील तात्पुरती उभारण्यात आलेली कंट्रोल केबिन अत्यंत धोकादायक अवस्थेत आहे. या केबिनमध्ये मोठ्या विद्युतदाबाचे मीटर आणि अन्य उपकरणे बसवण्यात आली आहेत. पत्र्याची ही केबिन त्यामुळे धोकादायक ठरत आहे. साखरपा एसटी स्थानकाच्या पुनर्बांधणीचे काम सध्या सुरू आहे. त्यामुळे जुन्या इमारतीतील कंट्रोल केबिन वापरात नाही. सध्या हे कार्यालय तात्पुरत्या केबिनमध्ये स्थलांतरित करण्यात आले आहे. पत्र्याची शेड उभारण्यात आली आहे; पण ही शेड अत्यंत धोकादायक ठरत आहे. या शेडमध्ये इलेक्ट्रिकचे सगळे मीटर आणि बटणे बसवण्यात आली असली तरी ती सगळी विद्युत उपकारणे उच्च विद्युतदाबाची आहेत. यामध्ये थ्री फेज वायरिंगचीही जोडणी आहे. मुळातच ही केबिन पत्र्याची असल्यामुळे तिच्यात अशी उच्चदाबाची उपकरणे बसवणे धोकादायक आहे.