श्री देव पाटेकर चरणी भक्त लीन

85343
85344

श्री देव पाटेकर चरणी भक्त लीन
श्रावण मास समाप्ती ः सावंतवाडीत देवदर्शनासाठी गर्दी
सकाळ वृत्तसेवा
सावंतवाडी, ता. १८ ः सावंतवाडी संस्थानच्या ऐतिहासिक श्री देव पाटेकर मंदिरमध्ये श्रावण मास समाप्ती सोहळा आज उत्साहात झाला. माजी आमदार शिवराम दळवी यांच्या माध्यमातून दरवर्षीप्रमाणे पूजन व महाप्रसादाचे आयोजन करण्यात आले. त्याचा अनेक भाविकांनी लाभ घेतला.
यावेळी माजी आमदार श्री. दळवी म्हणाले की, सावंतवाडी संस्थानाच्या राजमाता (कै.) श्रीमंत सत्वशिलादेवी भोसले यांच्या कृपाशीर्वादाने हा सोहळा अनेक वर्षांपासून साजरा होत आहे. संस्थानचे राजेसाहेब खेमसावंत भोसले, राणीसाहेब शुभदादेवी खेम सावंत भोसले, युवराज लखमसावंत भोसले, युवराज्ञी श्रद्धाराजे भोसले यांच्या सहकार्याने देव पाटेकराची सेवा आम्ही करत आहोत. इथे येणाऱ्या प्रत्येकाच्या मनोकामना पूर्ण होवोत, जिल्ह्यातील जनतेला सुखी, समाधानी जीवन लाभो, असे साकडे देव पाटेकराला घातल्याचे श्री. दळवी यांनी सांगितले.
शेवटच्या श्रावण सोमवारनिमित्ताने देवघरात देवदर्शनासाठी महाराष्ट्र, गोवा, कर्नाटक येथील भक्तांनी मोठी गर्दी केली होती. माजी आमदार दळवी यांच्या माध्यमातून आयोजित महाप्रसादाचा लाभ शेकडो भाविकांनी घेतला.‌ सायंकाळी उशिरापर्यंत भाविकांची श्री देव पाटेकरांच्या दर्शनासाठी मोठी रिघ सुरू होती. दुपारी भजनाचा कार्यक्रम पार पडला. यावेळी एल. एम. सावंत, रमेश गावकर, बाळू परब, रेमी आल्मेडा, मोरेश्वर पोतनीस, पुरोहित शरद सोमण आदींसह भक्तगण उपस्थित होते.