इन्सुली-पत्रादेवी मार्गावरील खड्डे दुरुस्तीसाठी आंदोलन

swt296.jpg
87903
शामसुंदर धुरी

इन्सुली-पत्रादेवी मार्गावरील
खड्डे दुरुस्तीसाठी आंदोलन
सकाळ वृ्त्तसेवा
बांदा, ता. २९ः मुंबई–गोवा महामार्गावरील इन्सुली खामदेव नाका ते बांदा–पत्रादेवी या मार्गावर ठिकठिकाणी पडलेल्या खड्ड्यांच्या दुरुस्तीसाठी तसेच बांदा ब्रिजवरील बंद पडलेल्या विद्युत दिव्यांसाठी येत्या ४ सप्टेंबरला आंदोलन करण्यात येणार आहे. हे आंदोलन सामाजिक कार्यकर्ते शामसुंदर धुरी व साईप्रसाद कल्याणकर यांनी आयोजित केले असून, नागरिकांना यात एकजुटीने सहभागी होण्याचे आवाहन करण्यात आले आहे. आंदोलन सकाळी १० वाजता टोल नाक्याजवळील खड्ड्यांसमोर ‘रस्ता रोको’ पद्धतीने होणार आहे.
या आंदोलनाचा प्रमुख उद्देश म्हणजे पत्रादेवी ते खामदेव नाका रस्त्यावरील खड्ड्यांची तातडीने दुरुस्ती करणे आणि बांदा ब्रिजवरील बंद दिवे पूर्ववत सुरू करणे हा आहे. श्री. धुरी यांनी, हे आंदोलन कोणत्याही राजकीय पक्षाशी संबंधित नाही. हे बांदा शहराच्या विकासासाठी आणि जनतेच्या सोयीसाठी लोकप्रतिनिधींना जाब विचारण्याचे एक पाऊल आहे. या आंदोलनातून बांद्याच्या जनतेची एकजूट दिसून येईल, असे सांगितले.