केळकर महाविद्यालयाचे युवा महोत्सवात यश

swt२९१५.jpg
८८०१४
देवगड : येथील स. ह. केळकर महाविद्यालयातील विद्यार्थ्यांनी यश संपादन केले.

केळकर महाविद्यालयाचे
युवा महोत्सवात यश
सकाळ वृत्तसेवा
देवगड, ता. २९ : मुंबई विद्यापीठाच्या ५८ व्या आंतरमहाविद्यालयीन युवा महोत्सवाच्या विभागीय फेरीत येथील स. ह. केळकर महाविद्यालयातील विद्यार्थ्यांनी एकूण २१ कला प्रकारात सहभाग नोंदवून ११ प्रकारात यश संपादन केले. कुडाळ येथील संत राऊळ महाराज महाविद्यालयात स्पर्धा झाली.
स्पर्धेत जिल्ह्यातील एकूण ३१ महाविद्यालयातील सुमारे ७०० विद्यार्थ्यांनी विविध कला प्रकारांमध्ये सहभाग नोंदवला होता. यामध्ये येथील महाविद्यालयातील विद्यार्थ्यांनी सहभाग नोंदवून यश मिळवले. सर्व यशस्वी आणि सहभागी विद्यार्थ्यांसह महाविद्यालयाच्या सांस्कृतिक विभागाचे संस्था पदाधिकारी तसेच महाविद्यालयाचे प्रभारी प्राचार्य व्ही. बी. कुनुरे यांनी अभिनंदन करुन पुढील फेरीसाठी शुभेच्छा दिल्या.
सविस्तर निकाल असा, एकांकिका (मराठी) प्रथम क्रमांक, भारतीय समूहगीत गायन प्रथम क्रमांक, भारतीय लोकनृत्य प्रथम क्रमांक, कथाकथन (मराठी) द्वितीय क्रमांक, एकपात्री अभिनय (हिंदी) द्वितीय क्रमांक, स्किट (मराठी) द्वितीय क्रमांक, एकांकिका (हिंदी) द्वितीय क्रमांक, मेहंदी डिझाइन तृतीय क्रमांक, एकपात्री अभिनय ( मराठी) तृतीय क्रमांक, वादविवाद स्पर्धा (मराठी) उत्तेजनार्थ, हिंदी स्किट उत्तेजनार्थ.