प्रलंबित मोजणीचा तातडीने निकाली काढा

प्रलंबित मोजणी प्रकरणे निकाली काढा
जिल्हाधिकारी सिंह ः भूमी अभिलेख आढावा बैठक
सकाळ वृत्तसेवा
रत्नागिरी, ता. ४ : जिल्ह्यातील प्रलंबित मोजणी प्रकरणे तातडीने निकाली काढा, अशी सूचना जिल्हाधिकारी एम. देवेंदर सिंह यांनी यांनी दिली. राजापूर, लांजा, चिपळूण, रत्नागिरी तालुक्यातील प्रलंबित प्रकरणे अधिक असल्याचे या वेळी त्यांनी स्पष्ट केले.
जिल्हाधिकारी कार्यालयातील सभागृहात जिल्हा अधीक्षक भूमी अभिलेख तसेच सर्व अधिनस्त उपअधीक्षक भूमी अभिलेख यांची आढावा बैठक झाली. या वेळी अप्पर जिल्हाधिकारी भाऊसाहेब गलांडे, निवासी उपजिल्हाधिकारी चंद्रकांत सूर्यवंशी, जिल्हा अधीक्षक भूमी अधीक्षक सचिन इंगळी यांच्यासह अन्य अधिकारी उपस्थित होते. जिल्हाधिकारी सिंह म्हणाले, प्रलंबित मोजणी प्रकरणे विशेषतः राजापूर, लांजा, चिपळूण आणि रत्नागिरी तालुक्यातील प्रलंबित मोजणी प्रकरणे तातडीने निकाली काढा. भूमी संपादन मोजणी कामाचा आढावा घेऊन अशा प्रकरणांबाबत मुदतीत आवश्यक कार्यवाही करावी. प्रलंबित बिनशेती मोजणी प्रकरणाबाबत कजापचाही आढावा घेतला. ही प्रलंबित प्रकरणे त्वरित निर्गत करावीत त्यासाठी आवश्यकता असल्यास तहसीलदार, उपविभागीय अधिकारी यांची मदत घ्यावी, असेही त्यांनी सांगितले.