कंपनीजवळ जमावाकडून तरूणास मारहाण

जमावाकडून
तरूणास मारहाण
खेड, ता. १० : तालुक्यातील लोटे एमआयडीसीमधील एका कंपनी बाहेरील रस्त्यावर उभे असलेल्या एकावर जमावाने हल्ला केला. ही घटना मंगळवारी (ता. ९) घडली. विजयकुमार सुरेंद्र बहादूर सिंग (वय ४२, रा. दाभीळ) असे त्या तरुणाचे नाव आहे. फिर्यादी सिंग यांनी दिलेल्या तक्रारीनुसार, संजय बुरटे (रा. असगणी, ता. खेड) व १० ते १२ अनोळखींनी कंपनीच्या गाड्यांची कागदपत्रे तपासल्यावर परत दिली. त्या वेळी फिर्यादी त्या ठिकाणी गेले. त्यांना जमावाने शिवीगाळ केली आणि एकाने फिर्यादीच्या पाठीवर हाताने मारहाण केली. तसेच पुढच्या वेळी परत आल्यास हात-पाय तोडून टाकीन, अशी धमकी दिली. या प्रकरणी खेड पोलिस ठाण्यात गुन्हा दाखल करण्यात आला आहे.