तिहेरी खून प्रकरणी तिघांची पुन्हा न्यायालयात हजेरी

तिघा संशयितांना आज
न्यायालयात हजर करणार
रत्नागिरी, ता. १०ः मिरजोळे-नाखरेकरवाडी येथील भक्ती मयेकर खूनप्रकरणी न्यायालयाने तिचा प्रियकर दुर्वास दर्शन पाटील (२६, वाटद खंडाळा रत्नागिरी), विश्वास विजय पवार (४१, रा. कळझोंडी रत्नागिरी) व सुशांत शांताराम नरळकर (४०, ऱा आदर्शनगर वाटद खंडाळा) यांना ११ सप्टेंबरपर्यंत पोलिस कोठडी सुनावली होत़ी. गुरुवारी संशयितांची पोलिस कोठडीची मुदत संपणार असून पुन्हा त्यांना न्यायालयापुढे हजर करण्यात येणार असल्याचे पोलिसांकडून सांगण्यात आले आहे. भक्ती मयेकर हिचा खून केल्यानंतर दुर्वासने अंगावरील दागिने काढून घेत सुरुवातीला स्वतःकडे ठेवले होते. यानंतर पोलिसांकडून चौकशी होऊ लागल्याने आपण पकडले जाऊ अशी भीती दुर्वास याच्या मनामध्ये निर्माण झाली होती. त्यानुसार दुर्वास याने भक्तीच्या अंगावरील दागिने खंडाळा येथील उकिरड्यावर फेकून दिल़े. पोलिसांनी दुर्वास याच्याकडे चौकशी केली असता त्याने दागिने फेकल्याची कबुली पोलिसांना दिली. ३० ऑगस्टला भक्ती मयेकर हिचा सडलेल्या अवस्थेत मृतदेह पोलिसांना सापडला. मृत्यूचे नेमके कारण शोधण्यासाठी न्याय वैद्यकीय तपासणी करण्याचा निर्णय पोलिसांनी घेतला आहे.