दशावतारी कलाकारांच्या आरोग्य तपासणीचा उपक्रम स्तुत्य

kan103.jpg
90718
कणकवली : येथील उपजिल्‍हा रुग्‍णालयातील आरोग्‍य तपासणी शिबिराचे उद्‌घाटन करताना डॉ. विशाल रेड्डी. शेजारी मिलिंद मेस्‍त्री, आण्णा कोदे आदी.

दशावतारी कलाकारांच्या आरोग्य तपासणीचा उपक्रम स्तुत्य
मिलिंद मेस्‍त्री : कणकवली उपजिल्हा रुग्णालयात आरोग्य तपासणी शिबिर
सकाळ वृत्तसेवा
कणकवली, ता. ११ : आरोग्य विभागातर्फे दशावतार कलाकारांची आरोग्य तपासणी करण्याचा उपक्रम स्तुत्य आहे. यापुढील काळात पालकमंत्री नीतेश राणे यांच्या माध्यमातून दशावतार कलाकारांची आरोग्य तपासणीसाठी शिबिर घेतले जाईल, अशी ग्वाही भाजपचे तालुकाध्यक्ष मिलिंद मेस्‍त्री यांनी दिली.
दशावतारी कलाकारांसाठी येथील उपजिल्हा रुग्णालयात मोफत आरोग्य तपासणी शिबिर झाले. याचे उद्‌घाटन वैद्यकीय अधीक्षक डॉ. विशा रेड्डी, भाजप तालुकाध्यक्ष मिलिंद मेस्‍त्री यांच्या हस्ते झाले. याप्रसंगी मेस्त्री बोलत होते. यावेळी भाजपचे शहराध्यक्ष अण्णा कोदे, बबलू सावंत, दशावतारी कलाकार नाथा नालंग, पप्पू साटम, मारुती सावंत, गुरुनाथ मेस्‍त्री, पुरुषोत्तम खेडेकर, सुरेश गुरव, उपजिल्हा रुग्णालयाचे वैद्यकीय अधीक्षक डॉ. विशाल रेड्डी, डॉ. सचिन डोंगरे, वैभव फाले, सी. आर. सावंत, पी. डी. कदम, शीतल सावंत, कविता राऊळ, व्ही. जी. जाधव, सुनील यादव, ईसीजीतज्ज्ञ किसन ठोंबरे, आरोग्य सहायक प्रशांत बुचडे उपस्थित होते. डॉ. विशाल रेड्डी यांनी दशावतारी कलाकारांच्या कलेचे कौतुक केले.