भोजने कुटुंबियांचे सांत्वन

रमेश कदम यांच्याकडून
भोजने कुटुंबीयांचे सांत्वन
संगमेश्वर, ता. १२ ः चिपळूण-संगमेश्वरचे माजी आमदार रमेश कदम यांनी कळंबा कोल्हापूर येथे झालेल्या गॅस स्फोट दुर्घटनेसंदर्भात शिवने गवळीवाडी येथील भोजने कुटुंबाला तसेच वाडीतील ग्रामस्थांची भेट घेऊन विचारपूस केली.
कळंबा कोल्हापूर येथे गॅसस्फोटची जी दुर्घटना घटना घडली ती अत्यंत क्लेशदायक असून, सर्व भोजने कुटुंबीयांच्या दुःखात आम्ही सहभागी आहोत, असे माजी आमदार कदम यांनी स्पष्ट केले. संगमेश्वर शिवने येथील तंटामुक्ती अध्यक्ष साईप्रसाद महादेव लिंगायत यांच्या निवासस्थानी कदम यांनी भेट दिली. गावातील रखडलेल्या विकासकामासंदर्भात चर्चा करण्यात आली. या वेळी भारत कोकाटे, प्रथमेश शिंदे, साईप्रसाद लिंगायत, संतोष शिंदे, रणजीत रसाळ, राजा भोजने, कल्पेश मिरगल आदी ग्रामस्थ उपस्थित होते.
----