सावंतवाडी ''बौद्ध हितवर्धक''च्या महिला कार्यकारिणीची निवड

91035

‘बौद्ध हितवर्धक’च्या
अध्यक्षपदी प्रज्ञा जाधव

सावंतवाडीसाठी कार्यकारिणीची निवड

सकाळ वृत्तसेवा
सावंतवाडी, ता. १२ ः सिंधुदुर्ग बौद्ध हितवर्धक महासंघाच्या सावंतवाडी शाखेने नुकतीच नवीन महिला कार्यकारिणीची निवड जाहीर केली आहे. महासंघाच्या नुकत्याच झालेल्या बैठकीत हा निर्णय घेण्यात आला. या बैठकीचा मुख्य उद्देश महिलांना सामाजिक आणि धार्मिक कार्यात सहभागी करून घेण्यासाठी प्रोत्साहन देणे हा होता.
​नवीन कार्यकारिणीमध्ये अध्यक्षपदी प्रज्ञा जाधव (माजगाव), उपाध्यक्षपदी समृद्धी जाधव (चौकुळ) आणि सचिवपदी अन्विता जाधव (चौकुळ) यांची निवड झाली. खजिनदारपदी सान्वी जाधव (चौकुळ) यांची निवड करण्यात आली आहे. कार्यकारिणीच्या सदस्यपदी नीलिमा आरोंदेकर (माजगाव), श्रद्धा जाधव (सातार्डा), मयुरी जाधव (कोलगाव), सुष्मिता जाधव (आरोंदा), हर्षना जाधव (कोलगाव), रेश्मा कासकर (नेमळे), सौम्या जाधव (चौकुळ), गौतमी जाधव (माजगगाव) यांचा समावेश आहे. कार्यक्रमाला ज्येष्ठ सल्लागार नारायण आरोंदेकर व वासुदेव जाधव हे विशेष अतिथी म्हणून उपस्थित होते. तसेच, मंडळाचे अध्यक्ष महेंद्र सावंत, उपाध्यक्ष अमित जाधव, सचिव टिळाजी जाधव, खजिनदार विनायक जाधव आणि इतर मान्यवरांनी नवीन कार्यकारिणीला शुभेच्छा दिल्या. ज्येष्ठ सल्लागार आरोंदेकर यांनी समाजातील महिलांच्या वाढत्या मागण्यांवर जोर दिला. महिलांनी संघटित होऊन सामाजिक, शैक्षणिक आणि सांस्कृतिक क्षेत्रात प्रभावीपणे काम करावे, असे त्यांनी सांगितले. उपाअध्यक्ष अमित जाधव यांनी प्रास्ताविक केले. सदस्य संजोग जाधव यांनी आभार मानले. ही नवीन कार्यकारिणी पुढील तीन वर्षांसाठी कार्यरत असेल आणि महिलांच्या सर्वांगीण विकासासाठी काम करेल अशी अपेक्षा व्यक्त करण्यात आली आहे.