खो-खो स्पर्धेत परुळेकर महाविद्यालयाला विजेतेपद

91136

परुळेकर महाविद्यालयाला विजेतेपद

मालवणातील ‘खो-खो’; जिल्हास्तरीय स्पर्धेसाठी संधी

सकाळ वृत्तसेवा
मालवण, ता. १३ : क्रीडा व युवा संचलनालय पुणे, जिल्हा क्रीडा परिषद आणि जिल्हा क्रीडा अधिकारी कार्यालय, सिंधुदुर्ग यांच्या संयुक्त विद्यमाने आयोजित १९ वर्षांखालील मुलांच्या तालुकास्तरीय खो-खो स्पर्धेत येथील स. का. पाटील संलग्न रामभाऊ परुळेकर कनिष्ठ महाविद्यालयाच्या संघाने नेत्रदीपक यश मिळवले.
रेकोबा हायस्कूल येथे नुकत्याच झालेल्या या स्पर्धेत अंतिम सामन्यात वराडकर हायस्कूल, कट्टा या बलाढ्य संघाला नमवून परुळेकर महाविद्यालयाच्या संघाने विजेतेपद पटकावले. या विजयामुळे आता हा संघ जिल्हास्तरीय स्पर्धेत मालवण तालुक्याचे प्रतिनिधित्व करणार आहे.
स्पर्धेच्या सुरुवातीपासूनच परुळेकर महाविद्यालयाच्या खेळाडूंनी उत्कृष्ट कामगिरीचे प्रदर्शन केले. अटीतटीच्या अंतिम सामन्यात त्यांनी आपल्या कौशल्याच्या जोरावर वराडकर हायस्कूलच्या संघावर मात केली आणि विजेतेपदावर आपले नाव कोरले. संघात चिन्मय मेस्त, सिद्धेश करंगुटकर, देवेश गावकर, यश कोळंबकर, शुभम लुडबे, हरिश्चंद्र देऊलकर, मयुर बागवे, सुरज आळवे, तुषार आढाव, ओम मिठबावकर, सुयश कदम आणि जतीन करंगुटकर, राज लाड यांचा समावेश होता. या सर्व खेळाडूंना क्रीडा मार्गदर्शक सागर सावंत यांचे मार्गदर्शन लाभले. प्राचार्य डॉ. शिवराम ठाकूर, कृ. सी. देसाई शिक्षण मंडळाचे कार्याध्यक्ष साईनाथ चव्हाण आणि सचिव चंद्रशेखर कुशे यांनी संघाचे अभिनंदन केले.