सॉफ्ट बॉल स्पर्धेत कट्टा प्रशालेचे यश

सॉफ्ट बॉल स्पर्धेत
कट्टा प्रशालेचे यश
मसुरे ः जिल्हा क्रीडा संकुल, ओरोस येथे झालेल्या जिल्हा सॉफ्ट बॉल स्पर्धेत येथील वराडकर हायस्कूल व कनिष्ठ महाविद्यालयाच्या विद्यार्थ्यांनी यश प्राप्त केले. यात १४ वर्षांखालील मुलांच्या गटात मधुर पेंडुरकर द्वितीय, वेदांत म्हाडगुत तृतीय, १७ वर्षांखालील मुलींच्या गटात ध्रुवी भाट प्रथम, आदिश्री कुबल द्वितीय, तनय बोडये चौथा, १७ वर्षांखालील मुलांच्या गटात गौरांग वाईरकर प्रथम, रुद्र लाड तृतीय, अथर्व गायकवाड चौथा, १९ वर्षांखालील मुलांच्या गटात अथर्व फाटक प्रथम, संकल्प पेंडुरकर द्वितीय, जयराम घाडीगावकर तृतीय, यश चव्हाण चौथा, साहिल खोत पाचवा, १९ वर्षांखालील मुलींच्या गटात कृतिका लोहार प्रथम, जागृती झोरे द्वितीय, विधी गावडे तृतीय, सिद्धी महाबोज चौथी, हर्षिता गावडे पाचवी यांनी यश मिळविले. यातील १ ते ५ क्रमांकाच्या खेळाडूंची कोल्हापूर विभागीय स्पर्धेसाठी निवड झाली. या विद्यार्थ्यांना क्रीडा विभागप्रमुख संजय पेंडूरकर, क्रीडाशिक्षक किसन हडलगेकर, भूषण गावडे यांचे मार्गदर्शन लाभले.
---
रक्तदान शिबिराचे
मालवणात आयोजन
मालवण ः राष्ट्रीय स्वैच्छिक रक्तदान दिवसाचे औचित्य साधून ग्लोबल रक्तवीरांगना (कै.) नेहा कोळंबकर (शंकरदास) यांच्या स्मरणार्थ एकता मित्रमंडळ, मालवण, ग्लोबल रक्तदाते, मालवण-सिंधुदुर्ग यांच्यातर्फे १ ऑक्टोबरला रक्तदान शिबिराचे आयोजन केले आहे. हे शिबिर सकाळी ९.३० ते दुपारी २ पर्यंत येथील देसाई बिल्डिंग, कासार व्हाळी, सोमवार पेठ येथे होणार आहे.