मदर क्विन्स स्कूलचे विद्यार्थी विज्ञान नाट्योत्सवात चमकले

91639

मदर क्विन्स स्कूलचे विद्यार्थी
विज्ञान नाट्योत्सवात चमकले

सकाळ वृत्तसेवा
सावंतवाडी, ता. १५ ः सिंधुदुर्ग जिल्हा विज्ञान मंडळ आयोजित तालुकास्तरीय ‘राष्ट्रीय विज्ञान नाट्योत्सव-२०२५’मध्ये सिंधुदुर्ग जिल्हा शिक्षण प्रसारक मंडळ संचलित मदर क्विन्स इंग्लिश स्कूलच्या नाट्यसंघाने तृतीय क्रमांक पटकावला. स्पर्धेमध्ये तालुक्यातील १० संघ सहभागी झाले.
मदर क्विन्स इंग्लिश स्कूलच्या नाट्यसंघाने ‘मानवकल्याणासाठी विज्ञान व तंत्रज्ञान’ यातील उपविषय ‘सर्वांसाठी स्वच्छता’अंतर्गत नाटिका सादर करून उल्लेखनीय यश प्राप्त केले. या संघात नेहल मठकर, सोहम सावंत, विभव राऊळ, श्रेयस रेडकर, श्रेया मोर्ये, रिया जेवरे, उमेझा शेख, चिन्मयी बागवे यांचा सहभागी होता. नाटिकेचे लेखन-दिग्दर्शन सहशिक्षक गोविंद प्रभू यांनी केले. प्रशालेच्या या यशाबद्दल शैक्षणिक क्षेत्रातील मान्यवरांकडून कौतुक केले जात आहे. या यशाबद्दल सिंधुदुर्ग जिल्हा शिक्षण प्रसारक मंडळाचे अध्यक्ष खेमसावंत भोसले, चेअरमन शुभदादेवी भोसले, कार्यकारी विश्वस्त लखमराजे भोसले, विश्वस्त श्रद्धाराजे भोसले, मंडळाचे संचालक दिलीप देसाई, सहाय्यक संचालक ॲड. शामराव सावंत, सदस्य जयप्रकाश सावंत, डॉ. सतीश सावंत, मुख्याध्यापिका अनुजा साळगावकर, शिक्षक-शिक्षकेतर कर्मचारी, पालक-शिक्षक संघ कार्यकारी समिती सदस्यांनी अभिनंदन केले.