संगमेश्वर बसस्थानकात पेपर विक्रेत्यांना जागा मिळावी

‘संगमेश्वर बसस्थानकात
वृत्तपत्र विक्रेत्यांना जागा द्या’
संगमेश्वर ः संगमेश्वर बसस्थानकात अनेक वर्षांपासून कार्यरत असलेल्या वृत्तपत्र विक्रेत्यांना अद्यापही अधिकृत जागा मिळालेली नाही. या विक्रेत्यांनी वर्षानुवर्षे प्रवाशांना दैनिके, मासिके व अन्य वाचनसामग्री उपलब्ध करून दिली आहे. त्यामुळे वाचनसंस्कृती वृद्धिंगत होण्यासही हातभार लागतो. स्थानिक वाचक व प्रवाशांनी बसस्थानक प्रशासन व संबंधित प्राधिकरणांना आवाहन केले आहे की, अशा विक्रेत्यांना अधिकृत जागा देण्यात यावी. बसस्थानक हे सणवार तसेच दररोज गजबजलेले असते. प्रवाशांना वाचनासाठी सहज उपलब्ध साहित्य मिळावे, यासाठी स्टॉलधारकांचे योगदान महत्त्वाचे आहे. पेपरस्टॉल केवळ व्यापाराचे साधन नसून, ही एक वाचनसंस्कृतीची जपणूक आहे, असे मत अनेक वाचकांनी व्यक्त केले आहे.