स्वस्थ नारी सशक्त परिवार अभियानाचा १७ ला प्रारंभ

स्वस्थ नारी-सशक्त परिवार
अभियान उद्यापासून
रत्नागिरी, ता. १५ : महिलांच्या आरोग्यामध्ये सुधारणा करणे, त्याद्वारे सशक्त कुटुंब आणि समाज निर्माण करण्याच्याष्टीने ‘स्वस्थ नारी-सशक्त परिवार’ अभियान सुरू केले जाणार आहे. या अभियानाचा प्रारंभ बुधवारी (ता. १७) मुंबई येथे होणार आहे. २ ऑक्टोबरपर्यंत हे अभियान ग्रामीण व शहरीस्तरावर राबवण्यात येणार आहे. अधिक माहितीसाठी आयुष्यमान आरोग्यमंदिर, प्राथमिक आरोग्य केंद्र, नागरी आरोग्य केंद्र किंवा अंगणवाडी केंद्रांशी संपर्क साधावा, असे आवाहन आरोग्य विभागाने केले आहे. अभियानामध्ये देशभरात आरोग्य तपासणी शिबिरांचे आयोजन करण्यात येणार आहे. महिलांना विविध आरोग्यसेवा पुरवण्यावर भर दिला जात आहे, ज्यामध्ये रक्तदाब, मधुमेह, नेत्ररोग तपासणी, दात आणि मुखाचे आरोग्य तपासणे, गर्भवतींची तपासणी, लसीकरण आणि सिकल सेल, रक्तक्षय रुग्णांची तपासणी याचा समावेश आहे.