भाजप महिला मोर्चातर्फे बांद्य़ात निषेध आंदोलन

91711

भाजप महिला मोर्चातर्फे
बांद्यात निषेध आंदोलन
सकाळ वृत्तसेवा
बांदा, ता. १५ ः पंतप्रधान नरेंद्र मोदी यांच्या मातोश्रींबाबत आक्षेपार्ह विधान आणि अपमानास्पद चित्रण केल्याच्या निषेधार्थ आज सकाळी इन्सुली खामदेव नाका येथे भाजप महिला मोर्चा आणि बांदा मंडळ यांच्या वतीने जाहीर निषेध आंदोलन करण्यात आले.
आंदोलनात भाजप पदाधिकाऱ्यांनी सांगितले की, ''पंतप्रधान हे देशाचे प्रमुख आहेत. त्यांच्या आईविषयी अपशब्द वापरणे तसेच वाईट पद्धतीने चित्र रेखाटणे हा केवळ त्यांचा नव्हे, तर संपूर्ण मातृशक्तीचा अपमान आहे. मातृशक्तीचा अपमान कधीही सहन केला जाणार नाही. भारतीय संस्कृतीतील भावनेचा अपमान करून काँग्रेसने समाजात विष पेरण्याचा प्रयत्न केला असल्याचा आरोप यावेळी करण्यात आला.
या आंदोलनात भाजप महिला जिल्हाध्यक्ष श्वेता कोरगावकर, बांदा मंडळ महिलाध्यक्ष रुपाली शिरसाट, राखी कळंगुटकर, मानसी धुरी, शर्वणी गावकर, बांदा मंडल अध्यक्ष स्वागत नाटेकर, जिल्हा चिटणीस महेश धुरी, मधुकर देसाई, सचिन बिर्जे, नारायण कांबळी, गुरू कल्याणकर, उमेश पेडणेकर यांच्यासह पदाधिकारी व कार्यकर्ते मोठ्या संख्येने उपस्थित होते.