आचऱ्यात ३ आक्टोबरला जिल्हास्तर फुगडी स्पर्धा

आचऱ्यात
आॅक्टोबरमध्ये
फुगडी स्पर्धा
आचरा ः इनामदार श्री देव रामेश्वर संस्थान आचरा सार्वजनिक गणेशोत्सवानिमित्त ३ आॅक्टोबरला रात्री ९ वाजता देवूळवाडी पुरस्कृत जिल्हास्तरीय खुल्या फुगडी स्पर्धेचे आयोजन करण्यात आले आहे. स्पर्धेसाठी प्रथम १०००१ व चषक, द्वितीय ७००१ व चषक, तृतीय ५००१ रुपये व चषक, उत्तेजनार्थ १२०० रुपये अशी बक्षिसे आहेत. प्रथम येणाऱ्या सात संघांना प्रवेश देण्यात येणार आहे. यासाठी सादरीकरण वेळ २० मिनिटे आहे. रात्री ८.३० वाजता आचरा मर्यादित फुगडी लोककलेतील निवडक खेळांची आव्हानयुक्त क्षमता स्पर्धा ''दम बघू दम'' सादर होणार आहे. या स्पर्धेत कोंबडा फुगडी, भोवरा, बसफुगडी, कासव फुगडी या चार प्रकारांचा समावेश आहे. प्रत्येक फुगडी प्रकारात जास्तीत जास्त सात स्पर्धकांना याप्रमाणे एकूण २८ स्पर्धकांना प्रवेश दिला जाणार आहे. प्रत्येक स्पर्धा प्रकारासाठी अनुक्रमे १००० व ५०० रुपये अशी पारितोषिके आहेत. अधिक माहितीसाठी अर्जुन बापर्डेकर, मंदार सांबारी, परेश सावंत यांच्याशी संपर्क साधण्याचे आवाहन करण्यात आले आहे.