साखरपा-माचाळच्या दुर्गम शाळेत काव्यजागर

rat17p6.jpg
92107
साखरपा : साहित्यिक अशोक लोटणकर यांच्यासह शाळेतील विद्यार्थी.

माचाळच्या दुर्गम शाळेत काव्यजागर
साखरपा, ता. १७ : लांजा तालुक्यातील अतिदुर्गम म्हणून ओळखल्या जाणाऱ्या माचाळ येथील पूर्ण प्राथमिक शाळेत काव्यजागर कार्यक्रमाचे आयोजन केले होते. या निमित्ताने ज्येष्ठ साहित्यिक अशोक लोटणकर यांच्या पुस्तकांचे वाटप करण्यात आले. माचाळ ही शाळा दुर्गम वस्तीतील शाळा म्हणून ओळखली जाते. या शाळेला लेखक कवी अशोक लोटणकर यांनी भेट दिली. त्यांच्या कवितांच्या पुस्तकांचे वाटप करण्यात आले. धमाल गंमत, आभाळाचे घर तसेच शब्दांचे फटाके ही पुस्तके कवी लोटणकर यांच्या हस्ते विद्यार्थ्यांना देण्यात आली. यावेळी भडकंबा येथील निवृत्त शिक्षक मधू आठल्ये हेही उपस्थित होते.
यावेळी मुख्याध्यापक प्रफुल्ल पट्टेबहाद्दूर, शिक्षक सचिन नागरगोजे, निवृत्त मंडल अधिकारी सुरेश गांधी, कोकण उत्कर्ष फाउंडेशनचे रवींद्र ठाकर, स्मिता लोटणकर आदी उपस्थित होते. आठल्ये यांनी विद्यार्थ्यांना लोटणकर यांच्या पुस्तकांबाबत माहिती दिली. याप्रसंगी कवी लोटणकर यांनी स्वत:च्या पाऊस, पावसाच्या धारा आणि थेंब...थेंब... या कवितांचे वाचन केले.