92138
सावंतवाडीत तरुणाची
गळफासाने आत्महत्या
सकाळ वृत्तसेवा
सावंतवाडी, ता. १७ ः शहरातील होळीचा खुंट जुना बाजार येथील राजेश पांगम (वय ४८) यांनी राहत्या घरात फॅनला ओढणीच्या सहाय्याने गळफास घेत आत्महत्या केली. ही घटना मंगळवारी (ता. १६) सायंकाळी उशिरा उघडकीस आली. याबाबत सावंतवाडी पोलिस ठाण्यात आकस्मिक मृत्यूची नोंद करण्यात आली आहे.
पोलिसांकडून मिळालेल्या माहितीनुसार, पांगम हे वर्षभरापासून दुर्धर आजाराने ग्रस्त होते. त्यांच्यावर कोल्हापूर येथे उपचार सुरू होते. काल सायंकाळी साडेसातच्या दरम्यान घरच्यांनी जेवणासाठी हाक मारली असता त्यांनी दरवाजा उघडला नाही. तसेच आतून काही प्रतिसाद आला नाही, म्हणून दरवाजा तोडून आत पाहिले असता ते आतील सीलिंग फॅनला ओढणीच्या सहाय्याने गळफास घेतलेल्या स्थितीत आढळले. याबाबत त्यांचा मुलगा जय पांगम याने पोलिसांना माहिती दिली. पोलिसांनी घटनास्थळी जाऊन पंचनामा केला. यासंदर्भात पोलिस ठाण्यात आकस्मिक मृत्यूची नोंद करण्यात आली आहे. पोलिस निरीक्षक अमोल चव्हाण, सहाय्यक पोलिस निरीक्षक शिंदे, हवालदार अनिल धुरी, मंगेश शिंगाडे यांनी घटनास्थळी भेट दिली. सावंतवाडी पोलिस अधिक तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.