खारेपाटणमध्ये सोमवारपासून ''झुंझार'' मंडळातर्फे नवरात्रोत्सव

खारेपाटणला सोमवारपासून
‘झुंझार’तर्फे नवरात्रोत्सव
सकाळ वृत्तसेवा
तळेरे, ता. १७ : खारेपाटण येथील सामाजिक, सांस्कृतिक, शैशणिक, क्रीडा व आरोग्य क्षेत्रात अग्रेसर असलेल्या झुंझार मित्रमंडळाच्या वतीने २२ सप्टेंबर ते २ ऑक्टोबर कालावधीत सार्वजनिक नवरात्रोत्सवाचे आयोजन करण्यात आले आहे. यानिमित्त विविध सांस्कृतिक व सामाजिक कार्यक्रमांसह जिल्हास्तरीय ढोल वादन स्पर्धेचे आयोजन करण्यात आले असल्याची माहिती मंडळाचे अध्यक्ष संकेत शेट्ये यांनी प्रसिद्धी पत्रकाद्वारे दिली. झुंझार मित्रमंडळ नवरात्रोत्सवाचे हे ३१ वे वर्ष आहे. खारेपाटण बाजापेठ येथील श्री देव विष्णू मंदिर येथे २२ ला सकाळी १० वाजता देवीच्या मूर्तीची ढोल-ताशांच्या गजरात भव्य आगमन मिरवणूक व प्रतिष्ठापना, रात्री ९.३० वाजता घटस्थापना, गरबा, २४ ला सकाळी ११ वाजता प्रश्नमंजुषा, २६ ला रात्री ९.३० वाजता वेशभूषा स्पर्धा, २७ ला सकाळी ९.३० वाजता रक्तदान शिबिर व अवयवदान सामूहिक प्रतिज्ञा पठण, रात्री ८.३० वाजता जिल्हास्तरीय ढोल वादन स्पर्धा (प्रथम १५०००, द्वितीय १००००, तृतीय ७००० रुपये व प्रत्येकी चषक), २८ ला सायंकाळी ४ वाजता फनीगेम्स, २९ ला सकाळी १० वाजता होम हवन, दुपारी १ वाजता महाप्रसाद, रात्री ९ वाजता ''होम मिनिस्टर'' स्पर्धा, ३० ला सिंधुदुर्ग व रत्नागिरी जिल्ह्यांतील भजन मंडळांची भव्य भजन स्पर्धा, सांस्कृतिक कार्यक्रम, १ ऑक्टोबरला रात्री ११ वाजता खारेपाटण बस स्थानक येथे १०० महिलांचा सहभाग असलेला सूरज गोडवे व सुमित रोडी यांनी नृत्य दिग्दर्शन केलेला टाळनृत्यासहित भव्य ''शिवराज्यभिषेक'' सोहळा, ४ ला दुपारी ४ वाजता विसर्जन मिरवणुकीने या कार्यक्रमाची सांगता होणार आहे. ग्रामस्थांनी उपस्थित राहून कार्यक्रमांचा लाभ घ्यावा, असे आवाहन झुंझार मित्रमंडळाच्या वतीने करण्यात आले आहे.