कुंभारमाठ जरीमरी मंदिरात धार्मिक, सांस्कृतिक कार्यक्रम

92448

कुंभारमाठ जरीमरी मंदिरात
धार्मिक, सांस्कृतिक कार्यक्रम
सकाळ वृत्तसेवा
मालवण, ता. १८ : कुंभारमाठ येथील जागृत देवस्थान श्री देवी जरीमरी मंदिरात नवरात्रोत्सव निमित्ताने २२ सप्टेंबर ते १ ऑक्टोबर या कालावधीत विविध धार्मिक, सांस्कृतिक कार्यक्रम आयोजित करण्यात आले आहेत. यात सकाळी ९ वाजता देवीचा अभिषेक, दुपारी १२.३० वाजता आरती, १ ते ३ महाप्रसाद, सायंकाळी ७ वाजता देवीची आरती असे नियमित कार्यक्रम होणार आहेत. पंचक्रोशीतील भजनी बुवांची संगीत भजने दररोज रात्री ८ वाजता होणार आहेत. यात २२ ला श्री वावडी देवी प्रासादिक भजन मंडळ, आनंदव्हाळ (बुवा शरद सावंत), २३ ला श्री कुलस्वामिनी प्रासादिक भजन मंडळ खालची देवली (मधुसूदन चव्हाण), २४ ला श्री ब्राह्मण देव प्रासादिक भजन मंडळ कांदळगाव कातवड (मंगेश नलावडे), २५ ला श्री आदर्श संगीत विद्यालय मालवण (बंटी वराडकर), २६ ला श्री भवानी प्रासादिक भजन मंडळ वस्तवाडी (चंदू वस्त), २७ ला श्री ब्राह्मण देव भजन मंडळ काळेथर पिरखोली (संदेश परकर), २८ ला श्री घुमडाई भजन मंडळ घुमडे मालवण (नाना सामंत), २९ व ३० ला संगीत भजन, ३१ ला श्री आकारी ब्राह्मणदेव प्रासादिक भजन मंडळ, कातवड (चेतन धुरी) या भजनी मंडळाची भजने होणार आहेत. या कार्यक्रमाचा लाभ घ्यावा, असे आवाहन जरीमरी देवस्थान मंडळाच्या वतीने करण्यात आले आहे.