ए. जी. हायस्कुलच्या मुली विजयी

rat21p11.jpg-
N92976
दापोली ः अर्बन कॉलेजच्या १४ वर्षांखालील कब्बड्डी संघातील खेळाडू व मार्गदर्शक.

जिल्हास्तरीय कबड्डी स्पर्धेत
ए. जी. हायस्कुलच्या मुली विजयी
दापोली, ता. २१ः क्रीडा व युवक सेवा संचालनालय, जिल्हा क्रीडा परिषद व जिल्हा क्रीडा अधिकारी कार्यालय यांच्यावतीने झालेल्या जिल्हास्तरीय कबड्डी स्पर्धेत ए. जी. हायस्कुलच्या १४ वर्षांखालील मुलींच्या संघाने प्रथम क्रमांक पटकावला. या उल्लेखनीय यशामुळे आता हा संघ कोल्हापूर विभागीय स्पर्धेत रत्नागिरी जिल्ह्याचे प्रतिनिधित्व करणार आहे.
जिल्हास्तरीय स्पर्धा रत्नागिरीतील जिल्हा क्रीडा संकुलात झाली. ए. जी. हायस्कुलच्या संघाचे प्रशिक्षक योगेश खोत, अमित वाखंडे, प्रथमेश दाभोळे आणि प्रदीप शिगवण यांनी संघाला मार्गदर्शन केले. या यशाबद्दल संस्थेचे चेअरमन डॉ. प्रसाद करमरकर, सचिव डॉ. विनोद जोशी, शालेय समिती चेअरमन रविंद्र कालेकर, मुख्याध्यापक शरद कांबळे, उपमुख्याध्यापक अर्जुन घुले, पर्यवेक्षक अनिल पेठकर, एस. आय. मगदूम, शिक्षकवृंद, शिक्षकेतर कर्मचारी व पालकवर्ग यांनी संघाचे अभिनंदन केले.