शासनामार्फत महसूल विभागात ६५ जणांना नियुक्ती

‘महसूल’मध्ये ६५ जणांना नियुक्ती
सकाळ वृत्तसेवा
रत्नागिरी, ता. २३ : शासनामार्फत अनुकंपाधारक आणि लोकसेवा आयोगाच्या माध्यमातून भरती केली जात आहे. महसूल विभागात रत्नागिरी जिल्ह्यामध्ये अनुकंपाधारक १९ जणांना तर सरळसेवाअंतर्गत ४६ अशा एकूण ६५ जणांची नियुक्ती करण्यात आली आहे.
शासनाने नियुक्ती केलेल्यांमध्ये गट-क पदांचा समावेश आहे तसेच गट-ड पदांची नियुक्ती संजय गांधी योजना शाखा जिल्हाधिकारी कार्यालय, राजापूर, लांजा, गुहागर, संगमेश्वर तहसील कार्यालय, निवडणूक शाखा जिल्हाधिकारी कार्यालय, खेड, राजापूर उपविभागीय अधिकारी कार्यालय या ठिकाणी नियुक्ती देण्यात आली आहे. सरळसेवाअंतर्गत ४६ महसूल सहाय्यकांची नियुक्ती केली आहे. त्यात जिल्हाधिकारी कार्यालय १५, लांजा तहसील २, खेड उपविभागीय अधिकारी कार्यालय १, खेड तहसील ४, संगमेश्वर तहसील ७, राजापूर ६, दापोली ४, गुहागर २, मंडणगड २, रत्नागिरी १, चिपळूण २ पदे भरलेली आहेत. शासनामार्फत एकाचवेळी सुमारे १० हजार अनुकंपाधारक उमेदवारांना शासनाच्या विविध विभागांमध्ये नियुक्ती दिली आहे